പുതുവര്‍ഷത്തില്‍ പുതിയ തീരുമാനവുമായി എത്തിയിരിക്കുകയാണ് തമിഴകത്തിന്റെ ലേഡി സൂപ്പര്‍ സ്റ്റാര്‍. പൊതുവെ തന്റെ ചിത്രങ്ങളുടെ പ്രചാരണത്തിനൊന്നും പോകാത്ത താരമാണ് നയന്‍താര. എന്നാല്‍ ഇത്തവണ സെയ് റാ നരസിംഹ റെഡ്ഡിക്കായി തന്റെ തീരുമാനം താരം മാറ്റിയെന്നാണ് സിനിമാ ലോകത്തു നിന്നുള്ള വാര്‍ത്ത.
നയന്‍താര നായികയായി എത്തുന്ന സെയ് റാ നരസിംഹ റെഡ്ഡിയുടെ പ്രചാരണത്തിന് താരമെത്തുമെന്നാണ് റിപ്പോര്‍ട്ടുകള്‍. പൊതുവെ തന്റെ ചിത്രങ്ങളുടെ പ്രചാരണങ്ങള്‍ക്കൊന്നും പങ്കെടുക്കാറില്ലായിരുന്നു. ഇത് കോളിവുഡില്‍ ഒരുപാട് വിമര്‍ശനത്തിന് ഇടയാക്കുകയും ചെയ്തിരുന്നു. സ്വാതന്ത്ര്യ സമര സേനാനിയായ നരസിംഹ റെഡ്ഡിയായിട്ടാണ് ചിത്രത്തില്‍ ചിരഞ്ജീവിയാണ് അഭിനയിക്കുന്നത്. നായികയായി നയന്‍താരയെത്തുമ്പോള്‍ ഗുരുവായി അമിതാഭ് ബച്ചനാണ് എത്തുന്നത്.
തമിഴ്‌നാട്ടില്‍ സൂപ്പര്‍ ഹിറ്റായി ഓടിക്കൊണ്ടിരിക്കുന്ന അജിത്ത്-ശിവ കൂട്ടുകെട്ടിലൊരുങ്ങിയ വിശ്വാസം ആണ് നയന്‍താരയുടെ തീയ്യേറ്ററിലെത്തിയ ചിത്രം.