ജമ്മുകാശ്മീരിലെ ഉറിയില്‍ ഇന്ത്യന്‍ ആര്‍മി നടത്തിയ സര്‍ജിക്കല്‍ സ്‌ട്രൈക്ക് പ്രമേയമായി ഒരുക്കിയ ചിത്രമാണ് ഉറി: ദ സര്‍ജിക്കല്‍ സ്‌ട്രൈക്‌സ്. തീയേറ്ററുകളില്‍ നിന്ന് മികച്ച പ്രതികരണമാണ് ചിത്രത്തിന് ലഭിക്കുന്നത്.
അഞ്ച് ദിവസം കൊണ്ട് തന്നെ 50 കോടിയാണ് ചിത്രം നേടിയത്. മൊത്തം 63.54 കോടി രൂപയാണ് ചിത്രം നേടിയിരിക്കുന്നത്. കഴിഞ്ഞ ദിവസം 7.73 കോടി രൂപയാണ് ചിത്രം സ്വന്തമാക്കിയത്. ചിത്രം ഉടന്‍ 100 കോടി ക്ലബ്ബിലേക്ക് എത്തുമെന്നാണ് സൂചന.
വിക്കി കൌശല്‍ ആണ് ചിത്രത്തില്‍ നായകനായി അഭിനയിച്ചത്. ആദിത്യ സംവിധാനം ചെയ്ത ചിത്രത്തില്‍ യാമി ഗൌതം ആണ് നായിക. ഉറി: ദ സര്‍ജിക്കല്‍ സ്‌ട്രൈക്ക് മികച്ച പ്രതികരണം നേടുമ്പോള്‍ ദ ആക്‌സിഡന്റല്‍ പ്രൈം മിനിസ്റ്ററിന് തീയേറ്ററില്‍ വന്‍ മുന്നേറ്റം നടത്താനാകുന്നില്ല. മുന്‍ പ്രധാനമന്ത്രി ഡോ. മന്‍മോഹന്‍ സിംഗിന്റെ ജീവിതമാണ് അനുപം ഖേര്‍ നായകനായ ചിത്രം പറയുന്നത്.