ബാല താരമായി എത്തി പ്രേക്ഷകരുടെ മനം കവര്‍ന്ന താരമാണ് ശ്യാമിലി. ചെറുപ്രായത്തില്‍ തന്നെ മലയാളം തമിഴ് തെലുങ്ക് , കന്നട, ഹിന്ദി ഭാഷകളിലായി നിരവധി ചിത്രങ്ങളിലാണ് ശ്യാമിലി അഭിനയിച്ചത്. മൂന്ന് സംസ്ഥാനങ്ങളുടെ അവാര്‍ഡുകളും നാഷ്ണല്‍ അവാര്‍ഡും ശ്യാമിലി നേടിയിട്ടുണ്ട്.
ശ്യാമിലി എത്ര വളര്‍ന്നാലും ബേബി ശ്യാമിലി എന്ന് വിളിക്കാനാണ് മലയാളി സിനിമ പ്രേക്ഷകര്‍ക്ക് ഇഷ്ടം. മാളൂട്ടി, പൂക്കാലം വരവായി, കിലുക്കാംപെട്ടി ഇതിലെ എല്ലാം കുസൃതിക്കുരുന്നിന്റെ മുഖമാണ് മലയാളി പ്രേക്ഷകരുടെ മനസ്സിലേക്ക് എത്തുക.
ഇപ്പോഴിതാ ശ്യാമിലിയുടെ 34ാം പിറന്നാള്‍ ആഘോഷങ്ങളുടെ ചിത്രങ്ങളാണ് സമൂഹമാധ്യമങ്ങളില്‍ വൈറല്‍ ആയിരിക്കുന്നത്.ജൂലൈ പത്തിനായിരുന്നു ശ്യാമിലിയുടെ പിറന്നാള്‍. ചെന്നൈയിലെ വീട്ടില്‍ വച്ച് നടന്ന ആഘോഷത്തില്‍ കുടുംബാംഗങ്ങള്‍ മാത്രമാണ് പങ്കെടുത്തത്.
പിറന്നാളിന് കേക്ക് മുറിക്കുമ്പോള്‍ ശ്യാമിലിയുടെ അരികില്‍ ചേച്ചി ശാലിനിയും ചേട്ടന്‍ റിച്ചാര്‍ഡും നില്‍ക്കുന്നത് ചിത്രങ്ങളില്‍ കാണാം. തങ്ങളുടെ ബേബി ശ്യാമിലിക്ക് ഇത്രയും വയസ്സായോ എന്നാണ് ആരാധകര്‍ ചോദിക്കുന്നത്.