തമിഴകത്തിന്റെ ലേഡീ സൂപ്പര്‍ സ്റ്റാര്‍ നയന്‍താര കേന്ദ്ര കഥാപാത്രത്തെ അവതരിപ്പിക്കുന്ന ‘മൂക്കുത്തി അമ്മന്‍’ എന്ന ചിത്രത്തിനെതിരെ വിവാദപരാമര്‍ശവുമായി ബിഗ് ബോസ് തമിഴ് മത്സരാര്‍ത്ഥിയും മോഡലുമായ മീര മിഥുന്‍. വിവാഹിതനായ ആളുമായി പ്രണയബന്ധം വെച്ച നയന്‍താരയാണ് ഹിന്ദു ദൈവമായ അമ്മനെ അവതരിപ്പിക്കുന്നതെന്നും ഇത് ഏറെ അപമാനകരമാണെന്നുമാണ് മീര ട്വിറ്ററില്‍ കുറിച്ചത്.
‘നയന്‍താരയ്ക്ക് അമ്മന്‍ ആരാണെന്നെങ്കിലും അറിയുമോ? ഇത്ര വിവേകശൂന്യവും നാണംകെട്ടതുമായ കാസ്റ്റിംഗ് നമ്മുടെ ഹിന്ദുദേവതയെ അപമാനിക്കുന്നതാണ്. തമിഴ്നാട്ടില്‍ മാത്രമേ ഇങ്ങനെ നടക്കുകയുള്ളൂ’ എന്നാണ് മീര മിഥുന്‍ ട്വീറ്റ് ചെയ്തത്.
അതേസമയം മീരയുടെ ട്വീറ്റിനെതിരെ ലേഡീ സൂപ്പര്‍ സ്റ്റാറിന്റെ ആരാധകരും രംഗത്ത് എത്തി. സിനിമയും ഭക്തിയും തമ്മിലുള്ള വ്യത്യാസം ജനങ്ങള്‍ക്ക് നന്നായി അറിയാമെന്നും ഇത് തമ്മില്‍ കൂട്ടിക്കുഴയ്‌ക്കേണ്ടതില്ലെന്നുമാണ് അവര്‍ പറഞ്ഞത്.
A woman in relationship with a married man is doing the role of our hindugod "Amman",does she even know who "Amman" is ?!All this nonsense shameless casting insulting our hindu god happens only in tamilnadu by these worthless #kollywood people.Won't tamil leaders open mouth now https://t.co/C6syIWOGoG
— Thamizh Selvi Mani (@meera_mitun) November 2, 2020