മിസ് വേള്‍ഡ് മത്സരത്തിലൂടെ ശ്രദ്ധ നേടിയ മലയാളി പാര്‍വതി ഓമനക്കുട്ടന് നടത്തിയ ഒരു വെളിപ്പെടുത്തലാണ് ഇന്ന് സിനിമാലോകത്തെ ചര്‍ച്ച വിഷയം. നടനും സംവിധായകനുമായ ബൈജു എഴുപുന്ന തന്നെ ചതിച്ചുവെന്ന് പാര്‍വ്വതി വെളിപ്പെടുത്തുന്നു.
കെ.ക്യൂ ആയിരുന്നു പാര്‍വ്വതിയുടെ ആദ്യ മലയാള ചിത്രം. ബൈജു എഴുപുന്ന തന്നെ കെ ക്യുവീല്‍ നായികയാക്കുകയും ചിത്രത്തില്‍ തമിഴിലെ സൂപ്പര്‍ സ്റ്റാറാണ് നായകനെന്നും പറഞ്ഞ് വിശ്വസിപ്പിച്ചുവെന്ന് പാര്‍വ്വതി പറയുന്നു. മലയാളത്തിലും തമിഴിലും ഒരേ സമയം ചിത്രം എത്തുമെന്നും പറഞ്ഞ് വിശ്വസിപ്പിച്ചിരുന്നു.
അതുകൊണ്ടാണ് ആ ചിത്രത്തില്‍ നായികയായി കരാര്‍ ഒപ്പിട്ടത്. എന്നാല്‍ പിന്നീട് ഷീട്ടിംഗ് പൂര്‍ത്തിയായ ശേഷമാണ് ബൈജു തന്നെയാണ് ചിത്രത്തില്‍ നായകനെന്ന് അറിയുന്നതെന്ന് താരം വെളിപ്പെടുത്തി. താന്‍ കാരണം ചിത്രം മുടങ്ങേണ്ടെന്ന് കരുതിയാണ് പിന്നീട് അഭിനയിച്ചത്.
ആ ചിത്രം പുറത്തിറങ്ങരുതെന്ന് താന്‍ ആഗ്രഹിച്ചതായും പാര്‍വതി അഭിമുഖത്തില്‍ വെളിപ്പെടുത്തി. മിസ് വേള്‍ഡ് മത്സരത്തില്‍ റണ്ണറപ്പായി തിരഞ്ഞെടുത്ത പാര്‍വതിക്ക് പിന്നീട് നിരവധി ഓഫറുകളാണ് സിനിമയില്‍ നിന്നും ലഭിച്ചത്. 2008ലെ ലോകസുന്ദരി മത്സരത്തില്‍ പാര്‍വതി രണ്ടാം സ്ഥാനം നേടിയിരുന്നു.
ഇതോടുകൂടിയാണ് പാര്‍വ്വതിയെ മലയാളികള്‍ ശ്രദ്ധിക്കാന്‍ തുടങ്ങിയത്. പിന്നീട പാര്‍വതി് മോഡലിംഗില്‍ നിന്ന് നടിയിലേക്ക് ചുവടുമാറുകയാണ്. എന്നാല്‍ സിനിമയില്‍ വേണ്ടത്ര രീതിയില്‍ പ്രശോഭിക്കാന്‍ പാര്‍വ്വതി ഓമനക്കുട്ടന് സാധിച്ചില്ല.
ഹിന്ദിയിലും തമിഴിലും രണ്ട് ചിത്രങ്ങള്‍ വീതം മാത്രമാണ് പാര്‍വതി അഭിനയിച്ചത്.