മികച്ച കഥാപാത്രങ്ങള്‍ സമ്മാനിച്ച് ഒരുകാലത്ത് മലയാള സിനിമയില്‍ നിറഞ്ഞുനിന്ന നടിയായിരുന്നു ദിവ്യ ഉണ്ണി. എന്നാല്‍ വിവാഹ ശേഷം താരം സിനിമയില്‍ നിന്നും വിട്ടുനിന്നു. എങ്കിലും നൃത്തപരിപാടികളിലൂടെ ഇന്നും പ്രേക്ഷകരുടെ മുന്നിലേക്ക് താരം എത്താറുണ്ട്.
തനിക്കറിയാവുന്ന ദിവ്യ ഉണ്ണിയെക്കുറിച്ചും അവരുടെ സ്വഭാവത്തെക്കുറിച്ചും തുറന്നുപറയുകയാണ് പ്രമുഖ അവതാരകയും നടിയുമായ രഞ്ജിനി ഹരിദാസ്. ഇരുവരും ഒരുമിച്ച് ഒരു മാധ്യമത്തിന് നല്‍കിയ അഭിമുഖത്തിലായിരുന്നു രഞ്ജിനി ഹരിദാസിന്റെ വെളിപ്പെടുത്തല്‍.
സിനിമയില്‍ വരുന്നതിന് മുന്‍പ് തന്നെ തനിക്ക് ദിവ്യ ഉണ്ണിയെ അറിയാമായിരുന്നു. ദിവ്യ ഉണ്ണിയുടെ കുടുംബം സ്ഥലം വിറ്റപ്പോള്‍ അത് വാങ്ങിച്ചായിരുന്നു ഞങ്ങള്‍ വീട് വെച്ചത്. അതിന് മുന്‍പ് അവരുടെ വീടിന് തൊട്ടടുത്തായിരുന്നു ഞങ്ങള്‍ വാടകയ്ക്ക് താമസിച്ചിരുന്നതെന്ന് രഞ്ജിനി പറയുന്നു.
ഒരു കാലത്ത് ദിവ്യ ഉണ്ണി തനിക്ക് പാരയായിരുന്നു. എല്ലായിടത്തും ദിവ്യ ഉണ്ണിയുടെ സാന്നിധ്യമുണ്ടായിരുന്നു. അച്ചടക്കമുള്ള കുട്ടിയാണ് ദിവ്യ ഉണ്ണിയെന്ന് അമ്മ ആ സമയത്ത് പറയുമായിരുന്നു. അത് തനിക്ക് പാരയായിരുന്നുവെന്നും രഞ്ജിനി കൂട്ടിച്ചേര്‍ത്തു.
എന്റെ കാര്യത്തിലാണെങ്കില്‍ ഡിസിപ്ലിന്‍ഡാണെന്ന് അമ്മ ഒരിക്കലും പറഞ്ഞിട്ടുമുണ്ടായിരുന്നില്ല. ഇത്രയും നല്ല കുട്ടി അവിടെയുണ്ടായിരുന്നത് എനിക്ക് ചീത്തപ്പേരായിരുന്നു. അച്ഛന് വളരെയധികം ഇഷ്ടമുള്ള അഭിനേത്രി കൂടിയാണ് ദിവ്യ. അമ്മയുടെ പെറ്റായിരുന്നു.
കോളേജില്‍ ദിവ്യ ഉണ്ണി എന്റെ സീനിയറാണ്. ഇപ്പോഴത്തെ ഗ്ലാമറൊന്നുമുണ്ടായിരുന്നില്ല. സിനിമയിലും സിംപിളായിരുന്നു. ഇടയ്ക്ക് വെച്ച് ഞങ്ങള്‍ അവിടെ നിന്ന് മാറിത്താമസിച്ചിരുന്നുവെങ്കിലും ഇപ്പോള്‍ തിരിച്ചെത്തി, രഞ്ജിനി പറഞ്ഞു.