കോഴിക്കോട്: പ്രശസ്ത ഛായാഗ്രാഹകനും സംവിധായകനുമായ രാമചന്ദ്ര ബാബു അന്തരിച്ചു. 72 വയസ്സായിരുന്നു. ഹൃദ്രോഗബാധയെ തുടര്ന്നായിരുന്നു അന്ത്യം. കോഴിക്കോട്ട് ഒരു സിനിമയുടെ ചിത്രീകരണവുമായി ബന്ധപ്പെട്ട് ലൊക്കേഷന് പരിശോധിക്കാന് എത്തിയപ്പോള് കുഴഞ്ഞു വീഴുകയായിരുന്നു.
ഉടനെ രാമചന്ദ്ര ബാബുവിനെ ഉടനെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. കോഴിക്കോട് മെഡിക്കല് കോളേജ് ആശുപത്രിയില് വച്ചായിരുന്നു അന്ത്യം.
പുണെ ഫിലിം ഇന്സ്റ്റിറ്റ്യൂട്ടില് നിന്ന് ഛായാഗ്രഹണം പഠിച്ചിറങ്ങിയ രാമചന്ദ്ര ബാബു, യവനിക, കന്മദം, പടയോട്ടം, പാളങ്ങള്, രതിനിര്വ്വേദം, ഒരു വടക്കന് വീരഗാഥ, ചാമരം, ഗസല്, വെങ്കലം, സല്ലാപം തുടങ്ങി 125 സിനിമകള്ക്ക് ക്യാമറ ചെയ്തിട്ടുണ്ട്. നാല് സംസ്ഥാന പുരസ്കാരങ്ങള് നേടിയിട്ടുണ്ട്.
പുണെ ഫിലിം ഇന്സ്റ്റിറ്റ്യൂട്ടിലെ സഹപാഠിയായിരുന്ന ജോണ് അബ്രഹാമിന്റെ ചിത്രത്തിലൂടെയാണ് അരങ്ങേറ്റം കുറിച്ചത്. വിദ്യാര്ഥികളെ ഇതിലെ ഇതിലെയായിരുന്നു ആദ്യ ചിത്രം. ദിലീപിനെ നായകനാക്കിയുള്ള ചിത്രത്തിന്റെ പണിപ്പുരയിലായിരുന്നു. ദിലീപിന്റെ ജയില്വാസം കാരണം ചിത്രീകരണം ഇതുവരെ പൂര്ത്തിയാക്കാന് കഴിഞ്ഞിരുന്നില്ല.