ദുബായ്: ദുബൈയില് നിലവിലുള്ള കൊവിഡ് നിയന്ത്രണങ്ങള് റമദാന് വരെ നീട്ടി. ഏപ്രില് മധ്യത്തില് വരെ നിലവിലെ നിയന്ത്രണങ്ങള് തുടരാനാണ് തീരുമാനം. ദുബൈയ് ദുരന്തനിവാരണ സമിതിയുടെതാണ് തീരുമാനം.
നിലവിലെ നിയന്ത്രണങ്ങള് അനുസരിച്ച് ദുബൈയിലെ ഭക്ഷണശാലകള് രാത്രി ഒന്നിന് മുമ്പ് അടക്കണം. മദ്യശാലകളും പബ്ബുകളും അടഞ്ഞുകിടക്കും. സിനിമാശാലകള് ഇന്ഡോര് വേദികള് എന്നിവയില് ശേഷിയുടെ പകുതി കാണികളെ മാത്രമേ പ്രവശിപ്പിക്കൂ. മാസ്ക്, സാമൂഹിക അകലം തുടങ്ങി അടിസ്ഥാന സുരക്ഷാ മുന്കരുതലുകള് കര്ശനമായി തുടരും.
അതേസമയം യുഎഇയില് കഴിഞ്ഞ 24 മണിക്കൂറിനിടയില് 3498 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ – പ്രതിരോധ മന്ത്രാലയം അറിയിച്ചു. ചികിത്സയിലായിരുന്ന 2478 പേരാണ് രോഗമുക്തരായത്. രാജ്യത്ത് കഴിഞ്ഞ 24 മണിക്കൂറിനിടെ 16 കൊവിഡ് മരണങ്ങളും റിപ്പോര്ട്ട് ചെയ്യപ്പെട്ടു.
ഇന്ന് 3498 പേര്ക്ക് കൂടി കൊവിഡ് വൈറസ് ബാധ സ്ഥിരീകരിച്ചതോടെ ഇന്നുവരെയുള്ള കണക്കുകള് പ്രകാരം രാജ്യത്ത് 3,85,160 പേര്ക്ക് കൊവിഡ് സ്ഥിരീകരിച്ചിട്ടുണ്ട്. ഇവരില് 3,77,537 പേരാണ് ഇതുവരെ രോഗമുക്തി നേടിയിട്ടുള്ളത്. 1198 മരണങ്ങളും റിപ്പോര്ട്ട് ചെയ്യപ്പെട്ടു. നിലവില് 6425 കൊവിഡ് രോഗികള് യുഎഇയിലുണ്ട്.
പുതുതായി നടത്തിയ 1,87,176 കൊവിഡ് പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ഇതോടെ ഇതുവരെ 3.02 കോടിയിലധികം പരിശോധനകള് യുഎഇയില് നടത്തിയിട്ടുണ്ട്.