റിയാദ്: പ്രവാസി മലയാളി താമസ സ്ഥലത്ത് കുഴഞ്ഞു വീണു മരിച്ചു. മലപ്പുറം ചേളാരി മാതാപ്പുഴ ചെനക്കലങ്ങാടി സ്വദേശി മങ്ങാട്ട് ഹംസ (55) ആണ് കുഴഞ്ഞു വീണ് മരിച്ചത്. ഞായറാഴ്ചയാണ് സംഭവം.
നേരത്തെ ഹൃദ്രോഗമുണ്ടായിരുന്നു. ആഞ്ചിയോപ്ലാസ്റ്റി ചികിത്സ കഴിഞ്ഞ് സൗദിയില്‍ തിരിച്ചെത്തിയിട്ട് മൂന്ന് വര്‍ഷമായിരുന്നു. യാമ്പുവിലെ താമസസ്ഥലത്ത് ഞായറാഴ്ച ഉച്ചയ്ക്ക് ശേഷം കുഴഞ്ഞു വീഴുകയായിരുന്നു.
ഉടന്‍ സുഹൃത്തുക്കള്‍ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. യാമ്പുവിലെ സ്വകാര്യ സ്ഥാപനത്തില്‍ ജീവനക്കാരനായിരുന്നു അദ്ദേഹം. മൃതദേഹം നാട്ടില്‍കൊണ്ടുപോകും.