തിരുവനന്തപുരം: കാസര്കോട് രണ്ട് യൂത്ത് കോണ്ഗ്രസ് പ്രവര്ത്തകരെ വെട്ടിക്കൊലപ്പെടുത്തിയ സംഭവത്തില് പ്രതിഷേധമറിയിച്ച് കോണ്ഗ്രസ് എംഎല്എ വിടി ബല്റാം. ജെയ്ഷെ മുഹമ്മദിനേയും സിപിഎമ്മിനേയും നിരോധിക്കണമെന്ന് ബല്റാം തന്റെ ഫേസ്ബുക്കില് പേജില് കുറിച്ചു.
പെരിയ കല്യോട്ട് സ്വദേശികളായ കൃപേശ്, ശരത് ലാല് എന്ന ജോഷി എന്നീ യൂത്ത് കോണ്ഗ്രസ് പ്രവര്ത്തകരെയാണ് ഇന്നലെ വൈകിട്ടോടെ കാറില് എത്തിയ സംഘം തടഞ്ഞ് നിര്ത്തി വെട്ടി കൊലപ്പെടുത്തിയത്. സംഭവത്തില് വലിയ പ്രതിഷേധം ഉയരുന്ന സാഹചര്യത്തിലാണ് വിടി ബല്റാമന്റെ പോസ്റ്റ്.