ചുമയുടെ മരുന്നാണെന്ന് കരുതി പശുവിന്റെ മരുന്ന് മാറിക്കഴിച്ചു; പാലക്കാട് 57കാരന്‍ മരിച്ചു

പാലക്കാട്: ചുമക്കുള്ള മരുന്നാണെന്നു കരുതി പശുവിന് കൊടുക്കാനുള്ള മരുന്ന് മാറിക്കഴിച്ച വയോധികന്‍ മരിച്ചു. പാലക്കാട് തൃത്താല സ്വദേശി ഉമ്മര്‍(57) ആണ് മരിച്ചത്. ശനിയാഴ്ച പുലര്‍ച്ചെയായിരുന്നു സംഭവം.

പശുവിന്റെ ചെള്ള് കളയുന്നതിനുള്ള മരുന്ന് ചുമക്കുള്ള മരുന്നാണെന്നു കരുതി കുടിക്കുകയായിരുന്നു. ഉടന്‍ തന്നെ തൃശ്ശൂരിലെ സ്വകാര്യ ആശുപത്രിയില്‍ എത്തിച്ചെങ്കിലും ആരോഗ്യനില വഷളായതിനെ തുടര്‍ന്ന് ഞായറാഴ്ച രാത്രി മരണത്തിന് കീഴടങ്ങുകയായിരുന്നു.