തൃശൂര്‍: മെഡിക്കല്‍ കോളേജില്‍ സ്‌കാനിംഗിനെത്തിയ രോഗിയുടെ മാല കവര്‍ന്ന കേസില്‍ തമിഴ്‌നാട് സ്വദേശിനികളായ രണ്ട് സ്ത്രീകള്‍ പിടിയിലായി. പൈങ്കുളം സ്വദേശിയുടെ രണ്ട് പവന്‍ തൂക്കം വരുന്ന സ്വര്‍ണമാലയാണ് ഇവര്‍ മോഷ്ടിച്ചത്.
മെഡിക്കല്‍ കോളേജ് ആസ്പത്രിയില്‍ എ ബ്ലോക്കിലെ സ്‌കാനിങിന് ബില്ലടയ്ക്കാന്‍ നിന്ന സമയത്താണ് പൈങ്കുളം സ്വദേശിനിയുടെ മാല മോഷണം പോയത്. മാല മോഷ്ടിച്ച ശേഷം രക്ഷപ്പെടാന്‍ ശ്രമിച്ച ഇവരെ പിന്നീട് മെഡിക്കല്‍ കോളേജ് പോലീസ് പിടികൂടുകയായിരുന്നു.
മെഡിക്കല്‍ കോളേജ് പോലീസ് സ്റ്റേഷന്‍ ഇന്‍സ്‌പെക്ടര്‍ ഷാജുവിന്റെ നേത്യത്വത്തിലുള്ള പോലീസ് സംഘമാണ് പ്രതികളായ ശിവകാമി, റോജ എന്നിവരെ പിടികൂടിയത്.