കോഴിക്കോട്: കോഴിക്കോട് സിപിഎം ജില്ലാ കമ്മിറ്റി ഓഫീസിന് നേരെ ആക്രണം നടത്തിയ സംഭവത്തില് രണ്ട് ആര്എസ്എസ് പ്രവര്ത്തകര് അറസ്റ്റില്. കോഴിക്കോട് ജില്ലാ കാര്യവാഹക് എന്പി രൂപേഷ്, നാദാപുരം സ്വദേശിയും ആര്എസ്എസ് പ്രവര്ത്തകനുമായ ഷിജിന് എന്നിവരാണ് പിടിയിലായത്. പ്രതികളെ സിപിഎം ജില്ലാ സെക്രട്ടറി പി മോഹനന് തിരിച്ചറിഞ്ഞു.
സംഭവവുമായി ബന്ധപ്പെട്ട് നാലുപേരെ ക്രൈംബ്രാഞ്ച് ചോദ്യം ചെയ്യുകയാണ്. ഇവര് കുറ്റംസമ്മതിച്ചതായും അറസ്റ്റ് ഉടന് ഉണ്ടാവുമെന്നാണ് സൂചന. കഴിഞ്ഞ ജൂണ് ഏഴിന് പുലര്ച്ചെ ഒന്നരയോടെയാണ് ജിപിഎം ജില്ലാ കമ്മറ്റി ഓഫീസായ സിഎച്ച് കണാരന് മന്ദിരത്തിനു നേരെ ബോംബേറുണ്ടായത്. ജില്ലാ സെക്രട്ടറി പി മോഹനന് ഓഫീസിലെത്തുന്നതിന് മിനിട്ടുകള്ക്ക് മുമ്പായിരുന്നു ആക്രമണം. തിരുവനന്തപുരത്ത് ബിജെപി ജില്ലാ ഓഫീസ് ആക്രമിക്കപ്പെട്ടതിന് പിന്നാലെ നടന്ന സംഭവത്തിനു പിന്നില് ആര്എസ്എസ് ആണെന്ന് സിപിഎം ആരോപിച്ചിരുന്നു.