മലപ്പുറം: ബിജെപി വിട്ട് സിപിഎമ്മില് ചേര്ന്നതിന് യുവാവിന്റെ ബൈക്ക് കത്തിച്ച് വിരോധം തീര്ത്ത് ബിജെപി ആര്എസ്എസ് പ്രവര്ത്തകര്. മലപ്പുറം പരപ്പനങ്ങാടി കോട്ടത്തറയിലെ സുബിജിത്തിന്റെ ബുള്ളറ്റാണ് കത്തിച്ചത്. വീടിന് പുറത്ത് നിര്ത്തിയിട്ടിരുന്ന ബൈക്കാണ് കത്തിച്ചത്. സിപിഎം പ്രവര്ത്തകനാണ് കൃഷ്ണന്കുട്ടി. എന്നാല് അദ്ദേഹത്തിന്റെ രണ്ട് ആണ്മക്കളായ സുബിജിത്തും സുകൃജിത്തും ബിജെപി പ്രവര്ത്തകരായിരുന്നു.
കഴിഞ്ഞ വര്ഷം ഇരുവരും ബിജെപി വിട്ട് സിപിഎം പ്രവര്ത്തകരാവുകയായിരുന്നു. അന്നുമുതല് സ്ഥലത്തെ ബിജെപി ആര്എസ്എസ് നേതാക്കളില് നിന്ന് ഭീഷണി ഉണ്ടായിരുന്നുവെന്ന് കുടുംബം ആരോപിച്ചു. ഇതിനു പുറമെ, അടുത്തിടെ സഹോദരന് സുകൃജിത്തിനെ അടിച്ചു പരിക്കേല്പ്പിക്കുകയും ചെയ്തതായി പരാതിയുണ്ട്. ശേഷമാണ് ബൈക്ക് അഗ്നിക്കിരയായിക്കിയത്.
പുലര്ച്ചെ രണ്ടരയോടെയായിരുന്നു സംഭവം. കുടുംബം നല്കിയ പരാതിയുടെ അടിസ്ഥാനത്തില് പരപ്പനങ്ങാടി പോലീസ് കേസെടുത്ത് അന്വേഷണം ആരംഭിച്ചു. പ്രതികളെ കുറിച്ച് സൂചന ലഭിച്ചതായി പോലീസ് വ്യക്തമാക്കി. അതേസമയം, ബിജെപി നേതൃത്വം ഈ ആരോപണം നിഷേധിക്കുന്നുണ്ട്.