ബംഗളൂരു: ശബരിമല യുവതി പ്രവേശന വിഷയം മുതലാക്കി ദക്ഷിണേന്ത്യയില് ശക്തി വര്ദ്ധിപ്പിക്കാന് ബിജെപിക്ക് ആര്എസ്എസിന്റെ നിര്ദേശം. ശബരിമല വിഷയം കേരളത്തില് ഒതുങ്ങി നില്ക്കുന്നതല്ല. അതിനാല് ശബരിമല വിവാദം മുതലാക്കി നിലവില് കാര്യമായ സാന്നിധ്യമല്ലാത്ത ദക്ഷിണേന്ത്യന് സംസ്ഥാനങ്ങളില് ശക്തി വര്ദ്ധിപ്പിക്കാനാന് ആര്എസ്എസ് ആവശ്യപ്പെട്ടു. കഴിഞ്ഞ ദിവസം മംഗലാപുരത്ത് നടന്ന ദക്ഷിണേന്ത്യന് ബൈഠക് ഇക്കാര്യം ചര്ച്ച ചെയ്തിരുന്നു.
ബിജെപി ദേശീയ അധ്യക്ഷന് അമിത് ഷായോട് ആര്എസ്എസ് ഇക്കാര്യം ഔദ്യോഗികമായി ആവശ്യപ്പെട്ടതായി സംഘടനാ വൃത്തങ്ങളെ ഉദ്ധരിച്ച് ന്യൂസ് 18 റിപ്പോര്ട്ട് ചെയ്തു.
ശബരിമല യുവതി പ്രവേശം കേരളത്തില് മാത്രം ഒതുങ്ങുന്നതല്ല. കേരളത്തിനു പുറമേ, ആന്ധ്രപ്രദേശ്, തമിഴ്നാട്, കര്ണാടക തുടങ്ങിയ സംസ്ഥാനങ്ങളിലും ലക്ഷക്കണക്കിന് അയ്യപ്പ ഭക്തരുണ്ട്. ലോക്സഭാ തെരഞ്ഞെടുപ്പിന് മുന്നോടിയായി വിവിധ ദക്ഷിണേന്ത്യന് സംസ്ഥാനങ്ങളിലെ അയ്യപ്പ ഭക്തരെ സംഘടിപ്പിച്ച് ശബരിമല പ്രക്ഷോഭത്തില് പങ്കാളികളാക്കാനും അതുവഴി നിലവില് കാര്യമായ സാന്നിധ്യമില്ലാത്ത ദക്ഷിണേന്ത്യന് സംസ്ഥാനങ്ങളില് ശക്തി വര്ദ്ധിപ്പിക്കാനും ആര്എസ്എസ് ആവശ്യപ്പെട്ടു.
കൂടാതെ ശബരിമല വിഷയം കേരളത്തില് വലിയ ശാക്തീകരണത്തിന് കാരണമായ സാഹചര്യത്തില് ഇതേ തന്ത്രം മറ്റ് ദക്ഷിണേന്ത്യന് സംസ്ഥാനങ്ങളിലും പയറ്റുന്നത് ഗുണകരമാവുമെന്നാണ് സംഘടനയുടെ കണക്കുകൂട്ടല്.
മറ്റ് ദക്ഷിണേന്ത്യന് സംസ്ഥാനങ്ങളില് ബൂത്ത് തലങ്ങളില് അയ്യപ്പ ഭക്തരെ സംഘടിപ്പിക്കുക, അയ്യപ്പ ഭക്ത കൂട്ടായ്മകളിലൂടെ പാര്ട്ടി അടിത്തറ ശക്തമാക്കുക, കൂടുതല് ഇടങ്ങളിലേക്ക് വ്യാപിക്കുക, ലോക്സഭാ തെരഞ്ഞെടുപ്പില് വിജയം കാണുക. ഇതാണ് ബൈഠക്കില് ഉരുത്തിരിഞ്ഞ ആര്എസ്എസ് തന്ത്രമെന്നാണ് റിപ്പോര്ട്ട്.
നിലവില് ദക്ഷിണേന്ത്യന് സംസ്ഥാനങ്ങളില് ബിജെപിക്ക് വേരൊട്ടം ഉള്ളത് കര്ണാടകയില് മാത്രമാണ്. ഈ സാഹചര്യത്തിലാണ് ശബരിമല വിഷയത്തെ വളരാനുള്ള അവസരമായി ഉപയോഗിക്കാന് ആര്എസ്എസ് ശ്രമം.
ഈ തന്ത്രം ഉപയോഗിച്ച് ദക്ഷിണേന്ത്യയില് വലിയ കുതിപ്പ് നടത്തണമെന്നാണ് ആര്എസ്എസ് അമിത് ഷായ്ക്ക് നല്കിയ നിര്ദേശം. ശബരിമല യുവതി പ്രവേശനം ദക്ഷിണേന്ത്യന് സംസ്ഥാനങ്ങളിലേക്കുള്ള ബിജെപിയുടെ വാതിലായിട്ടാണ് ആര്എസ്എസ് കാണുന്നത്.