ജയ്പൂര്‍: രാജസ്ഥാനിലെ കോത്തയില്‍ യുവതിയുടെ മൃതദേഹം ബാഗിലാക്കി ഉപേക്ഷിച്ച നിലയില്‍ കണ്ടെത്തി. അര്‍ധനഗ്‌നാവസ്ഥയിലാണ് മൃതദേഹം. സര്‍ക്കാര്‍ സ്‌കൂളിന്റെ പുറകില്‍ മൂന്നു ദിവസമായി ഉപേക്ഷിക്കപ്പെട്ട നിലയില്‍ ഒരു ബാഗ് ജനങ്ങളുടെ ശ്രദ്ധയില്‍ പെട്ടത്. അതില്‍ നിന്നും ദുര്‍ഗന്ധം വമിച്ചുതുടങ്ങിയതോടെയാണ് പ്രദേശവാസികള്‍ ബാഗ് പരിശോധിച്ചത്.
ഏകദേശം ഇരുപത് വയസിനടുത്ത പ്രായം തോന്നിക്കുന്ന യുവതിയുടെ മൃതദേഹമാണ് ബാഗിനുള്ളില്‍ നിന്ന് കണ്ടെത്തിയത്. അടിവയറ്റില്‍ വെട്ടേറ്റ മൃതദേഹം നൂല്‍ക്കമ്പികള്‍ കൊണ്ട് കെട്ടിയനിലയിലാണ് മൃതദേഹം കണ്ടെത്തിയത്.
സംഭവത്തില്‍ കോത്ത പോലീസ് അന്വേഷണം ആരംഭിച്ചിട്ടുണ്ട്. മൃതദേഹമിപ്പോള്‍ കോത്തയിലെ എംബിഎസ് ആശുപത്രിയിലേക്ക് മാറ്റി.