ന്യൂഡല്‍ഹി: മോഡിയെ പ്രശംസിച്ച് ഫേസ്ബുക്ക് പോസ്റ്റ് ഇട്ടതിന്റെ പേരില്‍ കോണ്‍ഗ്രസില്‍ നിന്ന് പുറത്താക്കപ്പെട്ട എപി അബ്ദുള്ളക്കുട്ടി ഇന്ന് ബിജെപി അംഗത്വം സ്വീകരിക്കും. ബിജെപിയുടെ ദേശീയ ആസ്ഥാനത്ത് വെച്ചാകും അംഗത്വം സ്വീകരിക്കുക.
കഴിഞ്ഞ ദിവസം അബ്ദുള്ളക്കുട്ടി മോഡിയും അമിത് ഷായുമായി കൂടിക്കാഴ്ച നടത്തിയിരുന്നു. പാര്‍ലമെന്റില്‍ വെച്ചാണ് മോഡിയുമായുള്ള കൂടിക്കാഴ്ച നടത്തിയത്. തന്നെ ബിജെപിയില്‍ ചേരാന്‍ മോഡി ക്ഷണിച്ചുവെന്ന് കൂടിക്കാഴ്ചയ്ക്ക് ശേഷം അബ്ദുള്ളക്കുട്ടി പറഞ്ഞിരുന്നു.
ബിജെപി വര്‍ക്കിംഗ് പ്രസിഡന്റ് ജെപി നദ്ദയില്‍ നിന്നായിരിക്കും എപി അബ്ദുള്ളക്കുട്ടി അംഗത്വം സ്വീകരിക്കുക.