ചെന്നൈ: മിഷോങ് ചുഴലിക്കാറ്റ് നാളെ തീരം തൊടാനിരിക്കെ ചെന്നൈയിലും സമീപ പ്രദേശങ്ങളിലും കനത്ത മഴ. താഴ്ന്ന പ്രദേശങ്ങളും വീടുകളും വെള്ളം കയറി. ഇന്നലെ രാത്രി തുടങ്ങിയ മഴ ഇപ്പോഴും തുടരുകയാണ്. വെള്ളക്കെട്ടില് പാര്ക്ക് ചെയ്ത നിരവധി കാറുകള് ഒലിച്ചു പോയി.
അതിനിടെ രണ്ട് മരണവും ചെന്നൈയില് നിന്ന് റിപ്പോര്ട്ട് ചെയ്തു. പുതിയതായി നിര്മിച്ച കെട്ടിടം തകര്ന്നാണ് ചെന്നൈയിലെ കാണത്തൂരില് രണ്ട് പേര് മരിച്ചത്. ജാര്ഖണ്ഡ് സ്വദേശികളാണ് മരിച്ചത്. നിരവധി പേര്ക്ക് പരിക്കേറ്റു.
അതേസമയം, റണ്വേയില് വെള്ളം കയറിയതോടെ രാത്രി 11 മണി വരെ ചെന്നൈ വിമാനത്താവളത്തില് നിന്നുള്ള വിമാന സര്വ്വീസുകള് നിര്ത്തിവെച്ചു. തമിഴ്നാട് തീരത്ത് മത്സ്യബന്ധനം പൂര്ണമായി വിലക്കി.