താഴെ കുത്തിയൊഴുകുന്ന പുഴയെ അവഗണിച്ച് ജീവന്‍ പണയം വെച്ചുള്ള ആരോഗ്യപ്രവര്‍ത്തനമാണ് ഇന്ന് ചര്‍ച്ചാ വിഷം. പുഴയ്ക്ക് കുറകെ രണ്ട് മുളന്തടികള്‍ മാത്രമാണ് ഉണ്ടായിരുന്നത്. ഇതിലൂടെയായിരുന്നു വാക്സിന് വിതരണത്തിനായുള്ള ആരോഗ്യ പ്രവര്‍ത്തകരുടെ സാഹസിക യാത്ര.
വശങ്ങളിലെ കൈവരികളില്‍പിടിച്ച്, ആ മുളന്തണ്ടുകളിലൂടെ പുഴകടക്കുന്ന പ്രവര്‍ത്തകരുടെ വീഡിയോ ഇതിനോടകം സോഷ്യല്‍മീഡിയയില്‍ നിറഞ്ഞു കഴിഞ്ഞു. ഒരു ഉള്‍ഗ്രാമത്തിലേക്ക് കോവിഡ് വാക്സിന് വിതരണം ചെയ്യാന്‍ പോവുകയാണ് ഇവര്‍. വടക്കു കിഴക്കന്‍ സംസ്ഥാനമായ അരുണാചല്‍ പ്രദേശില്‍നിന്നുള്ളതാണ് ഈ വീഡിയോ.
Watch | Health workers cross a raging river to vaccinate people in remote areas in Arunachal Pradesh pic.twitter.com/1YIhyu9q7v
— Prasar Bharati News Services पी.बी.एन.एस. (@PBNS_India) October 15, 2021
കോവിഡ് വാക്സിന് വിതരണത്തില്‍ ആരോഗ്യപ്രവര്‍ത്തകര്‍ നേരിടുന്ന വെല്ലുവിളികളെ കുറിച്ച് ബോധ്യപ്പെടുത്തുന്ന ഈ വീഡിയോ പ്രസാര്‍ ഭാരതിയാണ് ട്വിറ്റിലൂടെ പങ്കുവെച്ചിരിക്കുന്നത്. ഒന്നു കാലിടറി വീണാല്‍ ഒലിച്ചുപോകാന്‍ വിധം ശക്തിയിലാണ് പുഴയുടെ ഒഴുക്ക്. അതിനു കുറുകേ പ്രദേശവാസികള്‍ നിര്‍മിച്ച, താല്‍ക്കാലിക പാലത്തിന്റെ അവശേഷിപ്പുകളിലൂടെയാണ് ആരോഗ്യ പ്രവര്‍ത്തകരുടെ യാത്രയും.