ന്യൂഡല്ഹി: കോണ്ഗ്രസ് പാര്ട്ടിക്കു വേണ്ടത് ഭയമില്ലാത്ത നേതാക്കളെയാണെന്ന് രാഹുല് ഗാന്ധി എംപി. അടിസ്ഥാനപരമായി പറയാനുള്ളത് ഇത്രമാത്രമെന്ന് അദ്ദേഹം പറഞ്ഞു. ഭീരുക്കള്ക്ക് പാര്ട്ടി വിട്ടു പോകാമെന്നും അദ്ദേഹം കൂട്ടിച്ചേര്ത്തു. പാര്ട്ടിയുടെ സാമൂഹിക മാധ്യമ വിഭാഗത്തിന്റെ യോഗത്തിലായിരുന്നു കോണ്ഗ്രസ് വിട്ടുപോയ നേതാക്കള്ക്കെതിരായ രാഹുലിന്റെ പരാമര്ശം.
‘ഭയമില്ലാത്ത ഒട്ടേറെയാളുകള് പുറത്തുണ്ട്. അവരെ പാര്ട്ടിയിലേക്കെത്തിക്കണം. ഭയമുള്ളവര് നമ്മുടെ പാര്ട്ടിയിലുണ്ട്. അത്തരക്കാര്ക്ക് ആര്.എസ്.എസ്സിലേക്ക് പോകാം. ഞങ്ങള്ക്കു നിങ്ങളെ ആവശ്യമില്ല. ഭയമില്ലാത്ത ആളുകളെയാണ് നമുക്ക് വേണ്ടത്. അതാണ് നമ്മുടെ പ്രത്യയശാസ്ത്രം. ഇതാണ് എനിക്ക് അടിസ്ഥാനപരമായി പറയാനുള്ളത്’, രാഹുല് പറഞ്ഞു.
അടുത്തിടെ ബി.ജെ.പി.യില് ചേര്ന്ന കോണ്ഗ്രസ് നേതാക്കളെ ലക്ഷ്യമിട്ടായിരുന്നു രാഹുലിന്റെ പരാമര്ശം. മധ്യപ്രദേശിലെ ഒട്ടേറെ കോണ്ഗ്രസ് എം.എല്.എ.മാരുമായി ബി.ജെ.പി.യിലെത്തിയ സിന്ധ്യ അടുത്തിടെ കേന്ദ്രമന്ത്രിസഭാംഗമായിരുന്നു.