ഹാമിര്‍പുര്‍: കാറോടിക്കുമ്പോള്‍ ഹെല്‍മെറ്റ് ധരിച്ചില്ലെന്നാരോപിച്ച് ഉത്തര്‍പ്രദേശ് പോലീസ് പിഴ ഈടാക്കി. ഉത്തര്‍പ്രദേശിലെ ഹാമിര്‍പുരിലെ മാന്ന ഗ്രാമത്തിലാണ് സംഭവം. പ്രശാന്ത് തിവാരി എന്നയാള്‍ക്കാണ് ദുരനുഭവമുണ്ടായത്. മൊബൈല്‍ വഴി ഇ-ചലാന്‍ ലഭിച്ചതോടെയാണ് പിഴയുടെ കാര്യം ദിവാരി അറിയുന്നത്.
2019 നവംബര്‍ 30ന് മഹീന്ദ്ര ബൊലേറോ ഓടിച്ചപ്പോള്‍ ഹെല്‍മറ്റ് ധരിച്ചിരുന്നില്ല അതിനാല്‍ 500 രൂപ പിഴയടയ്ക്കണമെന്നായിരുന്നു ആര്‍ഡിഒയുടെ സന്ദേശം. പിയൂഷ് വര്‍ഷനേയ് എന്ന കാണ്‍പുര്‍ സ്വദേശിക്കും സമാനമായ അനുഭവം നേരിടേണ്ടി വന്നിട്ടുണ്ട്. ആ തീരുമാനത്തില്‍ പ്രതിഷേധമെന്നോണം കാറോടിക്കുമ്പോള്‍ പീയുഷ് ഹെല്‍മെറ്റ് ധരിക്കുകയും ചെയ്തു.
ഓഗസ്റ്റ് 27ന് ലഭിച്ച സന്ദേശത്തില്‍ കാറ് ഓടിച്ചപ്പോള്‍ ഹെല്‍മെറ്റ് ധരിക്കാത്തതിനാല്‍ 500 രൂപ പിഴ അയ്ക്കണമെന്നാണ് ആവശ്യപ്പെട്ടത്. ഹെല്‍മെറ്റ് വെച്ച് കാറോടിച്ച് തുടങ്ങിയതിനു ശേഷം പിഴ അടയ്‌ക്കേണ്ടി വന്നിട്ടില്ലെന്നും പിയുഷ് പറയുന്നു.