ന്യൂഡല്‍ഹി: കൊറോണ വൈറസ് ബാധയുടെ പശ്ചാത്തലത്തില്‍ മലയാളികളായ സിആര്‍പിഎഫ് ജവാന്‍മാരുടെ അവധി റദ്ദാക്കി. സംസ്ഥാനത്ത് കൊറോണ ബാധ സ്ഥിരീകരിച്ചതിനാല്‍ കേരളത്തിലേക്ക് യാത്ര ചെയ്യേണ്ടെന്നാണ് ജവാന്‍മാര്‍ക്ക് നല്‍കിയിരിക്കുന്ന നിര്‍ദ്ദേശം.
മറ്റ് ജവാന്‍മാര്‍ക്ക് അസുഖം ബാധിക്കുന്നത് ഒഴിവാക്കാനാണ് അവധി റദ്ദാക്കാന്‍ ആവശ്യപ്പെട്ടതെന്നാണ് വിശദീകരണം. അതേസമയം, സംസ്ഥാനത്ത് കൊറോണ നിയന്ത്രണവിധേയമായിട്ടും അവധി റദ്ദാക്കുന്നതില്‍ സൈനികര്‍ക്കിടയില്‍ പ്രതിഷേധം ഉയരുകയാണ്. രാജ്യവ്യാപകമായി ജവാന്‍മാരുടെ അവധി നിഷേധിച്ചിട്ടുണ്ട്.