മുംബൈ: കാമുകന്‍ മുഖത്തടിച്ച 35കാരി കുഴഞ്ഞ് വീണ് മരിച്ചു. മുംബൈ മാന്‍ഖര്‍ഡ് റെയില്‍വേ സ്റ്റേഷന് സമീപമാണ് ഞെട്ടിപ്പിക്കുന്ന സംഭവം. സീത പ്രധാന്‍ ആണ് രാജു പൂജാരി യെല്ലപ്പയുടെ അടിയേറ്റ് മരിച്ചത്. മറ്റൊരാളുമായി സംസാരിച്ച് നില്‍ക്കുന്നത് കണ്ട് ക്ഷുഭിതനായാണ് കാമുകനായ രാജു അടിച്ചത്.
അടിയേറ്റ് ഉടന്‍ തന്നെ സീത കുഴഞ്ഞ് വീഴുകയായിരുന്നു. ശേഷം ആശുപത്രിയില്‍ പ്രവേശിപ്പിച്ചുവെങ്കിലും ജീവന്‍ രക്ഷിക്കാനായില്ല. യാത്രാ മേധ്യ മരണപ്പെടുകയായിരുന്നു. അപകടമരണത്തിന് കേസെടുത്തിട്ടുണ്ടെന്നും പോസ്റ്റ്മോര്‍ട്ടത്തിന് ശേഷമേ മരണ കാരണം വ്യക്തമാവൂവെന്നു പോലീസ് പറയുന്നു.