ദൃശ്യം 2വിന്റെ ഭാഗമാകാന്‍ നടി മീന കൊച്ചിയിലേയ്ക്ക് യാത്ര തിരിച്ചു. കൊവിഡ് മാനദണ്ഡങ്ങള്‍ പാലിച്ചായിരുന്നു താരത്തിന്റെ യാത്ര. പിപിഇ കിറ്റ് ധരിച്ചാണ് മീന വ്യോമമാര്‍ഗം കൊച്ചിയിലെത്തിയത്. പിപിഇ കിറ്റ് ധരിച്ചപ്പോള്‍ ഉണ്ടായ ബുദ്ധിമുട്ടും മീന പങ്കുവെച്ചു. ചൂടും ഭാരവും കൂടുതല്‍. എസിയില്‍ ഇരിക്കുകയാണെങ്കില്‍പോലും വിയര്‍ത്തു കുളിക്കും.
മുഖംപോലും ഒന്നു തുടക്കാന്‍ പറ്റാത്ത അവസ്ഥ. ഗ്ലൗസ് അണിഞ്ഞതുകൊണ്ടുളള ബുദ്ധിമുട്ടുകൊണ്ടാണതെന്ന് മീന കുറിച്ചു. ഒപ്പം ആരോഗ്യപ്രവര്‍ത്തകര്‍ക്ക് താരം പ്രത്യേകം സല്യൂട്ട് അടിക്കുകയും ചെയ്തു. ഈ വസ്ത്രത്തിന്റെ ബുദ്ധിമുട്ടില്‍ നില്‍ക്കുമ്പോഴും ആ വേദനകള്‍ സഹിച്ച് അവര്‍ നമുക്കായി കരുതല്‍ തരുന്നു. നിങ്ങളുടെ പ്രവര്‍ത്തനങ്ങള്‍ക്ക് എത്ര നന്ദിപറഞ്ഞാലും മതിയാകില്ലെന്ന് മീന കൂട്ടിച്ചേര്‍ത്തു.
മീനയുടെ കുറിപ്പ്;
”സ്‌പേസിലേക്ക് പോകുന്നയാളെ പോലെയാകും നിങ്ങള്‍ക്കിപ്പോ എന്നെ കാണുമ്പോള്‍ തോന്നുക. എന്നാല്‍ യുദ്ധത്തിനു പോകുന്നതു പോലെയാണ് എന്റെ ഇപ്പോളത്തെ അവസ്ഥ. ആളുകളില്ലാത്ത, വിമാനത്താവളം കാണുമ്പോള്‍ തന്നെ അത്ഭുതം തോന്നുന്നു. എന്നെപ്പോലെ ഈ വേഷം ധരിച്ച ആരെയും കാണാത്തതും എന്നെ ആശങ്കപ്പെടുത്തുന്നു. ധരിച്ചതില്‍ ഒട്ടും യോജിക്കാത്ത വേഷമാണിത്. ചൂടും ഭാരവും കൂടുതല്‍. എസിയില്‍ ഇരിക്കുകയാണെങ്കില്‍പോലും വിയര്‍ത്തു കുളിക്കും. മുഖംപോലും ഒന്നു തുടക്കാന്‍ പറ്റാത്ത അവസ്ഥ. ഗ്ലൗസ് അണിഞ്ഞതുകൊണ്ടുളള ബുദ്ധിമുട്ടുകൊണ്ടാണത്.
പിപിഇ കിറ്റ് ധരിച്ച് ജോലി ചെയ്യുന്ന ആരോഗ്യപ്രവര്‍ത്തകര്‍ക്ക് എന്റെ സല്യൂട്ട്. ഈ വസ്ത്രത്തിന്റെ ബുദ്ധിമുട്ടില്‍ നില്‍ക്കുമ്പോഴും ആ വേദനകള്‍ സഹിച്ച് അവര്‍ നമുക്കായി കരുതല്‍ തരുന്നു. നിങ്ങളുടെ പ്രവര്‍ത്തനങ്ങള്‍ക്ക് എത്ര നന്ദിപറഞ്ഞാലും മതിയാകില്ല”