ശ്രീകുമാര് മോനോന് മോഹന്ലാലിനെ നായകനാക്കി ഒരുക്കിയ ‘ഒടിയന്’ വീണ്ടും പ്രേക്ഷകരെ വിസ്മയിപ്പിക്കാന് എത്തുകയാണ്. ഇത്തവണ ഒടിയന് ഡോക്യുമെന്ററി രൂപത്തിലാണ് എത്തുന്നത്. ‘ഇരവിലും പകലിലും ഒടിയന്’ എന്നാണ് ഡോക്യുമെന്ററിയുടെ പേര്. ഡോക്യുമെന്ററി സംവിധാനം ചെയ്തിരിക്കുന്നത് നൊവിന് വാസുദേവ് ആണ്. ടി അരുണ്കുമാറിന്റേതാണ് തിരക്കഥ. മോഹന്ലാല് തന്റെ ഫേസ്ബുക്ക് പേജിലൂടെയാണ് ഇക്കാര്യം അറിയിച്ചത്.
‘ആ പുരാവൃത്തത്തിലേക്ക് ഒരു യാത്ര. മനുഷ്യഭാവനയാലും ഒഴിവാക്കാനാവാത്ത സാമൂഹ്യാവസ്ഥയാലും നിര്മ്മിക്കപ്പെട്ട ഒരു പുരാവൃത്തം. ആധുനികതയുടെ കടന്നുവരവില് പുറത്താക്കപ്പെട്ട പുരാവൃത്തം. ഒടിയന്റെ പുരാവൃത്തം ഇവിടെ അനാവരണം ചെയ്യപ്പെടുകയാണ്. ‘ഇരവിലും പകലിലും ഒടിയന്’ എന്ന ഡോക്യുമെന്ററി സംവിധാനം ചെയ്തിരിക്കുന്നത് നൊവിന് വാസുദേവ് ആണ്. ഉടന് വരുന്നു..’ മോഹന്ലാല് ഫേസ്ബുക്കില് കുറിച്ചു.
