ഇന്ത്യയുടെ മുന് പ്രധാനമന്ത്രി അടല് ബിഹാരി വാജ്പെയ്യുടെ ജീവിതം സിനിമയാകുന്നു. അമാശ് ഫിലിംസിന്റെ ശിവ ശര്മ്മയാകും സിനിമ ഒരുക്കുന്നത്. ഉല്ലേക് എന്പി എഴുതിയ ‘ദ അണ്ടോള്ഡ് വാജ്പെയ്’ എന്ന പുസ്തകത്തെ ആസ്പദമാക്കിയാണ് സിനിമ ഒരുങ്ങുന്നത് . സിനിമയാക്കുന്നതിനുള്ള പകര്പ്പാവകാശം അമാശ് ഫിലിംസിന്റെ ശിവ ശര്മ്മ സ്വന്തമാക്കി.
അതെസമയം ആരായിരിക്കും വാജ്പെയ് ആയി അഭിനയിക്കുകയെന്ന് അടക്കമുള്ള കാര്യങ്ങള് പുറത്തുവിട്ടിട്ടില്ല. വാജ്പെയുടെ കുട്ടിക്കാലം, കോളേജ് ജീവിതം, രാഷ്ട്രീയ ജീവിതം, പ്രധാനമന്ത്രിയായിട്ടുള്ള കാലം തുടങ്ങിയവ ചിത്രത്തിലുണ്ടാകും. 2018 ഓഗസ്റ്റ് 16നായിരുന്നു വാജ്പെയ് അന്തരിച്ചത്.