ഓര്‍മ്മകള്‍! അതും കുട്ടിക്കാലത്തെ കുറിച്ചുള്ളത്. എത്ര മനോഹരമാണ് നഷ്ടപ്പെട്ടുപോയ ആ കാലമെന്ന് ആരും പറഞ്ഞുപോകും. കുളത്തില്‍ നീന്തി തുടിച്ചും കൂട്ടുകാരോടൊപ്പം കൊത്തംകല്ലു കളിച്ചും തിമിര്‍ത്ത് ആഘോഷിച്ച ആ ദിനങ്ങളെ കുറിച്ച് ഇന്നോര്‍ക്കുമ്പോള്‍ മധുരമായ ഒരു പുഞ്ചിരി മുഖത്ത് വിരിയുക ആരിലും പതിവാണ്.
ഈ ഓര്‍മ്മകളെ തൊട്ടുണര്‍ത്തുന്ന ഒരു കുഞ്ഞു ചിത്രവുമായി എത്തിയിരിക്കുകയാണ് ചാലക്കുടിയിലെ ഡിവൈന്‍ ഇന്‍സ്റ്റിറ്റ്യൂട്ട് ഓഫ് മീഡിയ സയന്‍സിലെ വിഷ്വല്‍ കമ്മ്യൂണിക്കേഷന്‍ വിദ്യാര്‍ത്ഥികള്‍.
പേരില്ലാത്ത ഈ ഷോര്‍ട്ട്ഫിലിമിലെ കുട്ടിക്കാലത്തേക്കുള്ള ഈ തിരിഞ്ഞുനോട്ടം ഏറ്റെടുത്തിരിക്കുകയാണ് സോഷ്യല്‍മീഡിയ. നിയുക്ത മോഹന്റെ തിരക്കഥയില്‍ രാഹുല്‍ ജോസഫാണ് സംവിധാനം നിര്‍വഹിച്ചിരിക്കുന്നത്. ടിന്‍സണ്‍ കെ ബ്ലെസണ്‍ എഡിറ്റിങും ആല്‍ബിന്‍ ബിജു ഛായാഗ്രഹണവും നിര്‍വ്വഹിച്ചിരിക്കുന്നു.
