ന്യൂഡല്ഹി: രാജ്യത്തെ ട്രെയിന് യാത്രക്കാര്ക്കിടയില് ഏറ്റവും സുപരിചിതമായ മൊബൈല് ആപ്ലിക്കേഷന് ‘വേര് ഈസ് മൈ ട്രെയിന്’ ഗൂഗിള് ഏറ്റെടുത്തു. ആപ്പ് നിര്മ്മിച്ച ബംഗളൂരുവിലെ സിഗ്മോയ്ഡ് ലാബ്സിനെ ഏകദേശം 250 കോടി രൂപയ്ക്ക് ഗൂഗിള് സ്വന്തമാക്കിയെന്നാണ് റിപ്പോര്ട്ടുകള്.
ഒരു കോടിയിലേറെ പേര് ഇന്സ്റ്റാള് ചെയ്തിട്ടുള്ള ആപ്പ് ആണ് വേര് ഈസ് മൈ ട്രെയിന്. ട്രെയിനുകളുടെ തല്സമയ ലൊക്കേഷന്, പിഎന്ആര് സ്റ്റാറ്റസ്, സീറ്റ് അറേഞ്ച്മെന്റ് എന്നിവ പരിശോധിക്കാനാന് കഴിയും. ജിപിഎസും ഇന്റര്നെറ്റും ഇല്ലാതെ തന്നെ ആപ്പ് പ്രവര്ത്തിക്കും. മലയാളം ഉള്പ്പെടെ 8 ഭാഷകളില് ആപ്പ് സേവനം ലഭ്യമാണ്. എസ്പി നിസാം, അരുണ്കുമാര് നാഗരാജന്, ബാലസുബ്രഹ്മണ്യം രാജേന്ദ്രന്, മീനാക്ഷി സുന്ദരം എന്നിവരാണ് സ്റ്റാര്ട്ടപ്പ് സ്ഥാപകര്.
ഗൂഗിള് ആപ്പില് തല്സമയ ട്രെയിന് ലൊക്കേറ്റിങ് സംവിധാനങ്ങള് കൊണ്ടുവരുന്നതിനുള്ള പരീക്ഷണങ്ങള് നടന്നു വരികയാണ്. ഇതിന് വേണ്ടിയാണ് ആപ്പ് ഏറ്റെടുത്തതെന്നാണ് സൂചന. സിഗ്മോയ്ഡ് ലാബ്സ് ഗൂഗിളിലെത്തുന്നതോടെ സ്റ്റാര്ട്ടപ്പ് സ്ഥാപകരും എന്ജിനീയര്മാരും ഗൂഗിള് ജീവനക്കാരാവും. ആപ് സ്വന്തമാക്കാന് ഏതാനും മാസങ്ങളായി ഗൂഗിളും ചൈനീസ് കമ്പനിയായ ഷവോമിയും ചര്ച്ചകള് നടത്തി വരികയായിരുന്നു.
Discussion about this post