ലണ്ടന്: സൂപ്പര് താരം മുഹമ്മദ് സലാഹിന്റെ തകര്പ്പന് ഫോമില് ലിവര്പൂളിന് ഏകപക്ഷീയ വിജയം. സീസണിലെ ആദ്യ ഹാട്രിക് ഗോള് സലാ കണ്ടെത്തിയതോടെ ലിവര്പൂള് ബോണ്മൗത്തിനെതിരെ തകര്പ്പന് ജയം. ഇംഗ്ലീഷ് പ്രീമിയര് ലീഗില് 4-0ത്തിന് തകര്ത്താണ് സലാ മൂന്നടിച്ച് ആഘോഷത്തിന് ഇരട്ടിമധുരം സമ്മാനിച്ചത്.
കളിയുടെ 25-ാം മിനിറ്റില് ഗോളടിക്ക് തുടക്കമിട്ട സലാ രണ്ടാം പകുതിയില് ബാക്കിഭാഗം പൂരിപ്പിച്ചു. 48-ാം മിനിറ്റില് ഫിര്മീന്യോയുടെ ക്രോസിലായിരുന്നു രണ്ടാം ഗോള്. 77-ാം മിനിറ്റില് പട്ടിക തികച്ച് മാര്ച്ചിനുശേഷം ആദ്യ ഹാട്രിക് നേടി. സ്റ്റീവ് കുക്കിന്റെ ബൂട്ടില് നിന്നെത്തിയ സെല്ഫ് ഗോളായിരുന്നു നാലാമത്തേത്.
ജയത്തോടെ ലിവര്പൂള് പോയന്റ് പട്ടികയില് (42) ഒന്നാം സ്ഥാനത്തേക്ക് കയറി. മാഞ്ചസ്റ്റര് സിറ്റിയെയാണ് (41) മറികടന്നത്.
Discussion about this post