ചരിത്ര നേട്ടം: ഓഹരി വിപണി സര്‍വ്വകാല റെക്കോര്‍ഡില്‍

prayar gopalakrishnan,sabarimala,pampa river
മുംബൈ: തെരഞ്ഞെടുപ്പിലെ ബിജെപിയുടെ വിജയം ഓഹരി വിപണിയിലും പ്രതിഫലിച്ചു. ചരിത്ര നേട്ടത്തില്‍ ഓഹരി വിപണി ക്ലോസ് ചെയ്തു. നിഫ്റ്റി സര്‍വ്വകാല റെക്കോഡില്‍ എത്തി. ഡോളറുമായുള്ള വിനിമയത്തില്‍ രൂപയും ഒരു വര്‍ഷത്തിനിടയിലെ ഉയര്‍ന്ന നിരക്കിലെത്തി. ഇന്ന് വ്യാപാരം ആരംഭിച്ച ഉടന്‍ ദേശീയ ഓഹരി സൂചികയായ നിഫ്റ്റി 188 പോയന്റ് ഉയര്‍ന്ന് സര്‍വ്വകാല റെക്കോഡായ 9,122ലെത്തി. സെന്‍സെക്സ് 616 പോയന്റും നേട്ടമുണ്ടാക്കി. ചെറുകിട, മധ്യനിര ഓഹരികള്‍ നേട്ടത്തിലേക്ക് ഉയര്‍ന്നതാണ് വിപണിയെ റെക്കോഡ് നിലവാരത്തിലേക്ക് ഉയര്‍ത്തിയത്. വ്യാപാരത്തിന്റെ അവസാനം വരെ നേട്ടം തുടര്‍ന്ന നിഫ്റ്റി 152 പോയന്റ് നേട്ടത്തോടെ 9087ലും 496 പോയന്റ് ഉയര്‍ന്ന് സെന്‍സെക്സ് 29,442ലും ക്ലോസ് ചെയ്തു. ഡോളറുമായുള്ള വിനിമയത്തില്‍ രൂപയും ഒരു വര്‍ഷത്തിനിടയിലെ ഉയര്‍ന്ന നിരക്കിലെത്തി. 44 പൈസയുടെ നേട്ടമാണ് രൂപ കൈവരിച്ചത്. ഡോളറൊന്നിന് 66 രൂപ 16 പൈസ നിരക്കിലായിരുന്നു വിനിമയം. യുപിയ്ക്കൊപ്പം ഉപതെരഞ്ഞെടുപ്പ് നടന്ന മറ്റ് സംസ്ഥാനങ്ങളിലും മികച്ച വിജയം നേടിയത് രാജ്യസഭയിലും ബിജെപിയുടെ ഭൂരിപക്ഷം ഉയര്‍ത്തുമെന്നാണ് പ്രതീക്ഷ. ഇതോടെ സാമ്പത്തിക പരിഷ്‌കരണ ബില്ലുകള്‍ പാസാക്കുന്നതിലെ കാലതാമസം ഒഴിവാകുമെന്നും വിപണി കണക്ക് കൂട്ടുന്നു.

Read more news : www.bignewslive.com

Follow us on facebook : www.facebook.com/bignewslive

Latest News

Comments

മലയാളത്തിൽ ഇവിടെ ടൈപ്പ് ചെയ്യാം.

(ctrl+m to swap language)