വിരാട് കോഹ്‌ലിക്ക് മുന്നറിയിപ്പ് നല്‍കി സച്ചിന്‍

prayar gopalakrishnan,sabarimala,pampa river
മുംബൈ: ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കര്‍ ഇന്ത്യന്‍ ക്രിക്കറ്റ് ടീം ക്യാപ്റ്റന്‍ വിരാട് കോഹ്‌ലിക്ക് മുന്നറിയിപ്പ് നല്‍കിയിരിക്കുകയാണ്. മറ്റൊന്നുമല്ല ക്രിക്കറ്റിലെ മുതിര്‍ന്ന താരമെന്ന നിലക്കുള്ള സാരോപദേശമാണ് മുന്നറിയിപ്പിലൂടെ സച്ചിന്‍ കോഹ്‌ലിക്ക് പകര്‍ന്നു നല്‍കിയിരിക്കുന്നത്. ഓസ്ട്രേലിയയ്‌ക്കെതിരായ ടെസ്റ്റ് പരമ്പരയ്ക്ക് മുന്നോടിയായാണ് ഇന്ത്യന്‍ നായകന് സച്ചിന്റെ മുന്നറിയിപ്പ്. ഓസ്ട്രേലിയയെപ്പോലെയുള്ള ഒരു ടീമിനെ നിസാരമായി കാണരുതെന്നാണ് സച്ചിന്‍ പറയുന്നത്. ഇന്ത്യയില്‍വെച്ച് നടക്കുന്ന പരമ്പരയില്‍ സന്ദര്‍ശകര്‍ക്കെതിരെ മുന്‍തൂക്കം ആതിഥേയര്‍ക്ക് തന്നെയായിരിക്കും. എന്നാല്‍ ഓസ്ട്രേലിയയെ അത്രപെട്ടെന്ന് എഴുതി തള്ളാനാകില്ലെന്ന് മാസ്റ്റര്‍ ബ്ലാസ്റ്റര്‍ പറയുന്നു. ഇന്ത്യന്‍ സാഹചര്യങ്ങള്‍ ഓസ്ട്രേലിയയ്ക്ക് ബുദ്ധിമുട്ടേറിയതാകുമെന്നും സച്ചിന്‍ പറഞ്ഞു. മുംബൈയില്‍ സച്ചിന്‍ ബൈ സ്പാര്‍ട്ടാന്‍ എന്ന പേരിലുള്ള സ്പോര്‍ട്‌സ് ഉപകരണങ്ങള്‍ പുറത്തിറക്കുന്ന ചടങ്ങില്‍ സംസാരിക്കുകയായിരുന്നു സച്ചിന്‍. നാലു മല്‍സരങ്ങള്‍ ഉള്‍പ്പെട്ട പരമ്പരയിലെ ആദ്യ മല്‍സരം ഫെബ്രുവരി 23ന് പൂനെയില്‍ തുടങ്ങും. അടുത്ത കാലത്തായി ടെസ്റ്റില്‍ സ്ഥിരതയില്ലാത്ത പ്രകടനമാണ് ഓസ്ട്രേലിയ നടത്തുന്നത്. ദക്ഷിണാഫ്രിക്കയോട് തോറ്റ ഓസീസ് എന്നാല്‍ പാകിസ്താനെ പരാജയപ്പെടുത്തിയിരുന്നു.

Read more news : www.bignewslive.com

Follow us on facebook : www.facebook.com/bignewslive

Latest News

Comments

മലയാളത്തിൽ ഇവിടെ ടൈപ്പ് ചെയ്യാം.

(ctrl+m to swap language)