കുവൈത്ത് സിറ്റി: ഹൃദയാഘാതത്തെ തുടര്‍ന്ന് മലയാളി യുവാവ് കുവൈത്തില്‍ മരിച്ചു. മലപ്പുറം കാളികാവ് സ്വദേശി റാഷിദ് അന്‍വര്‍ ആണ് മരിച്ചത്. 27 വയസ്സായിരുന്നു. ഹൃദയാഘാതം ഉണ്ടായതിനെ തുടര്‍ന്ന് കുവൈത്തിലെ അദാന്‍ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. കുവൈത്ത് കേരള ഇസ്ലാഹി സെന്ററിന്റെ മഹബൂല യൂണിറ്റ് റിലീഫ് സെക്രട്ടറിയും പ്രവര്‍ത്തകനുമായിരുന്നു.
കുവൈത്തിലെ കെ.ഒ.സിയില്‍ ജോലി ചെയ്തുവരികയായിരുന്നു. കുവൈത്ത് കേരള ഇസ്ലാഹീ സെന്ററിന്റെ കേന്ദ്ര അസിസ്റ്റന്റ് സെക്രട്ടറിയും സജീവ പ്രവര്‍ത്തകനുമായ മുഹമ്മദ് അന്‍വര്‍ കാളികാവിന്റെ മൂത്ത മകനാണ് റാഷിദ്.
Discussion about this post