ദുബായ്: ആദ്യമായി ദുബായ് സന്ദര്ശിക്കാനെത്തിയ വിദേശി മദ്യപിച്ച് ബഹളമുണ്ടാക്കിയതിനെ തുടര്ന്ന അറസ്റ്റിലായി. ദുബായിലെ ഒരു ഹോട്ടലില് വിദേശിയായ സ്ത്രീയുമായി വാക്കുതര്ക്കം മൂര്ച്ഛിച്ച് അടിപിടിയിലെത്തിയപ്പോഴാണ് ഹോട്ടല് അധികൃതര് പോലീസിനെ അറിയിച്ചത്. പോലീസെത്തുമ്പോള് മദ്യലഹരിയില് ഹോട്ടലില് അഴിഞ്ഞാടുകയായിരുന്നു ഇയാള്. പിടികൂടാനെത്തിയ പോലീസുകാരെയും ആക്രമിച്ചു. ബലം പ്രയോഗിച്ച് അറസ്റ്റ് ചെയ്യുന്നതിനിടെ ഒരു പോലീസുകാരന്റെ കൈയ്ക്ക് നിസാര പരിക്കേല്ക്കുകയും ചെയ്തു. പോലീസ് പിന്നീട് ഇയാളെ ഡിറ്റന്ഷന് സെന്ററിലേക്ക് മാറ്റി. ഒപ്പം എംബസിയിലും കുടുംബാംഗങ്ങളെയും വിവരമറിയിച്ചു. എന്നാല് മദ്യത്തിന്റെ ലഹരി വിട്ടതോടെ ഇയാള് പോലീസിനോട് മാപ്പ് പറഞ്ഞു.
മദ്യലഹരിയില് ബോധമില്ലാതെ ചെയ്തതാണെന്നും ആദ്യമായി ദുബായ് സന്ദര്ശിക്കുന്ന തനിക്ക് പോലീസിനോട് ബഹുമാനം മാത്രമേയുള്ളൂവെന്നും അധികൃതരെ ബോധിപ്പിച്ചു. ഇതോടെ ബന്ധപ്പെട്ട എല്ലാവരെയും വിളിച്ചുവരുത്തിയാണ് പോലീസ് പ്രശ്നം പരിഹരിച്ചത്. അസഭ്യം പറഞ്ഞ യുവതിയോടും പോലീസുകാരോടും ഇയാള് മാപ്പ് പറഞ്ഞതോടെ പോലീസ് മറ്റ് നടപടികളില്ലാതെ വിട്ടയക്കുകയായിരുന്നു. പൂക്കല് നല്കി പ്രതിയെ വിട്ടയക്കുന്ന ചിത്രം പോലീസ് തന്നെയാണ് സാമൂഹിക മാധ്യമങ്ങളിലൂടെ പങ്കുവെച്ചത്.
Discussion about this post