അബുദാബി: ചെരുപ്പ് മോഷണം ചെറിയ കുറ്റമല്ല! സിസിടിവി സഹായത്തോടെ കള്ളനെ പിടിച്ച പോലീസ് കനത്ത ശിക്ഷ തന്നെ കള്ളന് വാങ്ങി കൊടുത്തിരിക്കുകയാണ്. യുഎഇയിലാണ് സംഭവം. അബുദാബിയിലെ പള്ളിയില്‍ നിന്നാണ് കള്ളന് ചെരിപ്പ് മോഷ്ടിച്ച് പണി വാങ്ങിയത്. അബുദാബി കോടതിയില്‍ ഹാജരാക്കിയ കള്ളന് വിധിച്ചത് ഒരുമാസത്തെ ജയില്‍ ശിക്ഷയാണ്.
ഏഷ്യക്കാരനാണ് ചെരിപ്പ് മോഷ്ടിച്ചത്. ഖന്തൂര്‍ ഏരിയയില്‍ അബുദാബി നാഷണല്‍ ഓയില്‍ കമ്പനിക്ക് സമീപത്തെ പള്ളിയില്‍ നിന്നാണ് ചെരിപ്പുകള്‍ മോഷണം പോയത്.
700 ദിര്‍ഹം വിലവരുന്ന ചെരിപ്പുകള്‍ മോഷണം പോയതായി കാട്ടി നല്‍കിയ പരാതിയുടെ അടിസ്ഥാനത്തില്‍ പോലീസ് അന്വേഷണം ആരംഭിക്കുകയും സിസിടിവി ദൃശ്യങ്ങളുടെ സഹായത്തോടെ പ്രതിയെ കണ്ടെത്തുകയുമായിരുന്നു.
