വാഷിങ്ടണ്: ഇറാനില് നിന്ന് അസംസ്കൃത എണ്ണ ഇറക്കുമതി ചെയ്യുന്ന ഇന്ത്യയടക്കമുള്ള എല്ലാ രാജ്യങ്ങള്ക്കെതിരെയും ഉപരോധം ഏര്പ്പെടുത്താന് നീക്കവുമായി അമേരിക്ക.
നേരത്തെ അമേരിക്ക ഇളവ് നല്കിയിരുന്ന ഇന്ത്യ, ചൈന, ജപ്പാന്, ദക്ഷിണ കൊറിയ, തായ്വാന്, തുര്ക്കി, ഇറ്റലി, ഗ്രീസ് എന്നീ രാജ്യങ്ങള്ക്ക് എതിരെയാണ് അമേരിക്ക ഇപ്പോള് സാമ്പത്തിക ഉപരോധം ഏര്പ്പെടുത്താന് ഒരുങ്ങുന്നത്.
ഇറാനില് നിന്ന് അസംസ്കൃത എണ്ണ ഇറക്കുമതി ചെയ്യുന്നതില് നിന്ന് രാജ്യങ്ങളെ വിലക്കുക എന്ന ലക്ഷ്യത്തോടെയാണ് അമേരിക്ക കഴിഞ്ഞ വര്ഷം നവംബറില് ഉപരോധം ഏര്പ്പെടുത്തിയത്.
എന്നാല് ഇന്ത്യ, ചൈന, ജപ്പാന്, ദക്ഷിണ കൊറിയ, തായ്വാന്, തുര്ക്കി, ഇറ്റലി, ഗ്രീസ് എന്നീ രാജ്യങ്ങള്ക്ക് ഉപരോധത്തില് അന്ന് ഇളവ് പ്രഖ്യാപിച്ചിരുന്നു. ഈ രാജ്യങ്ങള്ക്കുള്ള ഇളവ് പിന്വലിക്കാനാണ് ഇപ്പോള് ട്രംപ് ഭരണകൂടം ഒരുങ്ങുന്നത്.
മെയ് രണ്ടുമുതല് തീരുമാനം നിലവില് വരുമെന്നും ഇറാനില് നിന്ന് അസംസ്കൃത എണ്ണ വാങ്ങുന്ന എല്ലാ രാജ്യങ്ങള്ക്കും മേല് ഉപരോധമുണ്ടാകുമെന്നും യുഎസ് അധികൃതരെ ഉദ്ധരിച്ച് വാഷിങ്ടണ് റിപ്പോര്ട്ട് ചെയ്യുന്നു.
ഇറാന് ഭീകരസംഘടനകളെ പിന്തുണയ്ക്കുന്നുവെന്നാണ് അമേരിക്കയുടെ ആരോപണം. ഇറാന്റെ ആണവ പദ്ധതികള് നിര്ത്തിവെയ്പ്പിക്കുക എന്നതും അമേരിക്കയുടെ ലക്ഷ്യമാണ്. ഇതാണ് അവരുടെ പ്രധാന വരുമാനമാര്ഗമായ അസംസ്കൃത എണ്ണ കയറ്റുമതി തടയാനായി അത് വാങ്ങുന്ന രാജ്യങ്ങള്ക്ക് മേല് ഉപരോധമേര്പ്പെടുത്താന് ട്രംപ് ഭരണകൂടം തീരുമാനിച്ചത്.
Discussion about this post