വാഷിങ്ടണ്: യുഎസ് പ്രസിഡന്റ് ഡൊണാള്ഡ് ട്രംപിനും ഭാര്യ മെലാനിയ ട്രംപിനും കൊവിഡ് 19 സ്ഥിരീകരിച്ചു. ട്വിറ്ററിലൂടെ ട്രംപ് തന്നെയാണ് രോഗം സ്ഥിരീകരിച്ച വിവരം അറിയിച്ചത്. ഇരുവരും ക്വാറന്റൈനിലാണ് ഇപ്പോള്.
ട്രംപിന്റെ ഉപദേഷ്ടാവിന് കൊവിഡ് 19 സ്ഥിരീകരിച്ചിരുന്നു. ഇതേതുടര്ന്നാണ് ട്രംപും ഭാര്യയും കൊവിഡ് പരിശോധന നടത്തിയത്. എയര് ഫോഴ്സ് വണില് ട്രംപിനെ സ്ഥിരമായി അനുഗമിക്കുന്ന ഏറ്റവും അടുത്ത ഉപദേഷ്ടാക്കളില് ഒരാളായ ഹോപ് ഹിക്സിനാണ് കൊവിഡ് സ്ഥിരീകരിച്ചിരിക്കുന്നത്.
ദിവസങ്ങള്ക്ക് മുമ്പ് ക്ലീവ്ലാന്റിലെ പ്രസിഡന്റ് സ്ഥാനാര്ത്ഥികളുടെ സംവാദത്തില് പങ്കെടുത്ത ട്രംപിന്റെ ഔദ്യോഗിക സംഘത്തിലും ഹോപ് ഹിക്സ് അംഗമായിരുന്നു. നേരത്തെ വൈറ്റ് ഹൗസ് കമ്മ്യൂണിക്കേഷന് ഡയറക്ടറായും 2016 ലെ പ്രസിഡന്റ് തെരഞ്ഞെടുപ്പില് ട്രംപിന്റെ പ്രചാരണ വക്താവായും ഹിക്സ് പ്രവര്ത്തിച്ചിട്ടുണ്ട്.
Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!
— Donald J. Trump (@realDonaldTrump) October 2, 2020
Discussion about this post