വാഷിംങ്ടണ്: സമൂഹ മാധ്യമങ്ങള്ക്ക് നിയന്ത്രണം ഏര്പ്പെടുത്തി കൊണ്ടുള്ള ഉത്തരവില് ഒപ്പ് വെച്ച് അമേരിക്കന് പ്രസിഡന്റ് ഡൊണാള്ഡ് ട്രംപ്. ട്രംപിന്റെ ട്വീറ്റിനൊപ്പം വസ്തുത പരിശോധിക്കപ്പെടേണ്ടതാണെന്ന് ട്വീറ്റര് രേഖപ്പെടുത്തിയതിനു പിന്നാലെയാണ് പ്രതികാര നടപടിയെന്നോണം ഉത്തരവില് ഒപ്പ് വെച്ചത്.
ഇന്നലെ തന്നെ സമൂഹ മാധ്യമങ്ങള്ക്ക് നിയന്ത്രണം കൊണ്ടുവരുന്ന പുതിയ ഉത്തരവ് ഇറക്കുമെന്ന് വൈറ്റ് ഹൗസ് ഇന്നലെ വ്യക്തമാക്കിയിരുന്നു. ട്രംപിന്റെ രണ്ട് ട്വീറ്റുകള്ക്ക് വ്യാജ വിവരമാണ് എന്ന് ട്വിറ്റര് കഴിഞ്ഞ ദിവസമാണ് മുന്നറിയിപ്പ് നല്കിയത്. നേരത്തെ ശക്തമായ നിയമനിര്മാണം കൊണ്ടുവരികയോ പൂട്ടിക്കുകയോ ചെയ്യുമെന്ന് ട്രംപ് ട്വീറ്റ് ചെയ്തിരുന്നു.
തന്നെ നിശബ്ദനാക്കാനാണ് ശ്രമമെന്നും 2016ല് ഇങ്ങനെ ശ്രമിച്ചവര് പരാജയപ്പെട്ടത് ഏവരും കണ്ടതാണെന്നും ട്രംപ് കൂട്ടിച്ചേര്ത്തു. അതിന്റെ പുതിയ പതിപ്പുകള് ആവര്ത്തിക്കാന് അനുവദിച്ചുകൂടാ. മെയില് ഇന് ബാലറ്റുകള് ചതിയാണെന്നും കള്ളത്തരമാണെന്നുമുള്ള ആരോപണം ട്രംപ് ആവര്ത്തിക്കുകയും ചെയ്തു. വോട്ട് ബൈ മെയില് സംബന്ധിച്ച ട്രംപിന്റെ ട്വീറ്റുകളില് തെറ്റിദ്ധരിപ്പിക്കാന് സാധ്യതയുള്ള വിവരങ്ങള് അടങ്ങിയിട്ടുണ്ടെന്ന് വ്യക്തമാക്കിയാണ് ട്വിറ്റര് ട്രംപിന് മുന്നറിയിപ്പ് നല്കിയിരുന്നത്.
Discussion about this post