ബാഗ്ദാദ്: ഇറാഖ് തലസ്ഥാനമായ ബാഗ്ദാദിലെ യുഎസ് എംബസിക്ക് നേരെ റോക്കറ്റ് ആക്രമണം. ഇന്ന് പുലര്ച്ചയോടെയുണ്ടായ ആക്രമണത്തില് ആളപായം റിപ്പോര്ട്ട് ചെയ്തിട്ടില്ല. എംബസിക്ക് സമീപമായി നിരവധി റോക്കറ്റുകള് പതിച്ചതായി അമേരിക്കന് സൈനിക വൃത്തങ്ങള് അറിയിച്ചു.
ഇറാനുമായുള്ള ബന്ധം വഷളായതിന് പിന്നാലെ ബാഗ്ദാദിലെ യുഎസ് എംബസിക്ക് ഭീഷണി നിലനിന്നിരുന്നു. ഇതിനു പിന്നാലെയാണ് ആക്രമണം നടന്നത്. എത്ര റോക്കറ്റുകള് പതിച്ചെന്ന കാര്യത്തില് വ്യക്തത വന്നിട്ടില്ല. ബാഗ്ദാദിലെ ഗ്രീന് സോണില് അതീവസുരക്ഷാ മേഖലയിലാണ് റോക്കറ്റുകള് പതിച്ചിരിക്കുന്നത്. ഇറാഖിലെ യുഎസ് സൈനികരേയും എംബസിയും ലക്ഷ്യമിട്ട് ഒക്ടോബറിന് ശേഷമുണ്ടാകുന്ന 19-ാമത്തെ ആക്രമണമാണിത്.
Discussion about this post