കാസര്കോട്: നരേന്ദ്ര മോഡിയെ പുകഴ്ത്തി കൊണ്ടുള്ള നിലപാടിലുറച്ച് എപി അബ്ദുള്ളക്കുട്ടി. വീണ്ടും അധികാരത്തിലെത്തിയ മോഡിയെ പുകഴ്ത്തി കൊണ്ടുള്ള എഫ്ബി പോസ്റ്റില് ഉറച്ചുനില്ക്കുന്നുവെന്ന് അബ്ദുള്ളക്കുട്ടി വ്യക്തമാക്കി. പറഞ്ഞത് സത്യസന്ധമായ കാര്യങ്ങള് മാത്രമാണ്. മോഡിയുടെ വിജയത്തെക്കുറിച്ച് വ്യാപകമായ ചര്ച്ചകള് നടക്കുന്ന സാഹചര്യത്തില് ഉള്ളുതുറന്ന അഭിപ്രായമായി മാത്രം ഇതിനെ കണ്ടാല്മതിയെന്ന് അബ്ദുള്ളക്കുട്ടി കൂട്ടിച്ചേര്ത്തു.
വികസന പദ്ധതികള് തന്നെയാണ് മോഡിക്ക് ജയം സമ്മാനിച്ചത്. തെരഞ്ഞെടുപ്പിന് ശേഷം രാഷ്ട്രീയവിരോധം പറഞ്ഞിട്ട് കാര്യമില്ലെന്നും അബ്ദുള്ളക്കുട്ടി പറഞ്ഞു. ദരിദ്രരായവര്ക്ക് ഗ്യാസ് കണക്ഷന് നല്കിയതും കക്കൂസ് നിര്മ്മിച്ച് നല്കിയതൊക്കെയും വോട്ടായി മാറിയെന്നും അബ്ദുള്ളക്കുട്ടി വിശദമാക്കുന്നു.
മഞ്ചേശ്വരം തെരഞ്ഞെടുപ്പില് ബിജെപി സ്ഥാനാര്ത്ഥിയാവുമോ, പാര്ട്ടി വിടുമോയെന്നുമുള്ള ചോദ്യങ്ങള്ക്ക് വ്യക്തമായ മറുപടി നല്കാതെയാണ് അബ്ദുള്ളക്കുട്ടിയുടെ വിശദീകരണം.
Discussion about this post