തിരുവനന്തപുരം: കാസര്കോട് രണ്ടു യൂത്ത് കോണ്ഗ്രസ് പ്രവര്ത്തകരെ വെട്ടിക്കൊലപ്പെടുത്തിയ കേസില് സിബിഐ അന്വേഷണം ആവശ്യപ്പെട്ട് യൂത്ത് കോണ്ഗ്രസ്. കേസിലെ ഗൂഢാലോചന തെളിയണമെങ്കില് സിബിഐ അന്വേഷിക്കണമെന്ന് യൂത്ത് കോണ്ഗ്രസ് നേതാക്കള് ആവശ്യപ്പെട്ടു.
ഇതേ ആവശ്യമുയര്ത്തി ഫെബ്രുവരി 22ന് യൂത്ത് കോണ്ഗ്രസിന്റെ നേതൃത്വത്തില് സംസ്ഥാനത്തെ എല്ലാ എസ്പി ഓഫീസുകളിലേക്കും മാര്ച്ച് സംഘടിപ്പിക്കുമെന്നും ഭാരവാഹികള് അറിയിച്ചു.
അതേസമയം സിപിഎം കളരിയില് ആയുധപരിശീലനം നേടിയസംഘമാണ് ഇരട്ടകൊലപാതകത്തിന് പിന്നിലെന്ന് യൂത്ത് കോണ്ഗ്രസ് സംസ്ഥാന പ്രസിഡന്റ് ഡീന് കുര്യാക്കോസ് വാര്ത്താസമ്മേളനത്തില് ആരോപിച്ചു. കണ്ണൂര് ജില്ലയിലെ സിപിഎം നേതാക്കള്ക്ക് കില്ലര് സ്ക്വാഡുകളുമായി ബന്ധമുണ്ടെന്നും ഡീന് കുര്യാക്കോസ് കൂട്ടിച്ചേര്ത്തു.
Discussion about this post