കൊച്ചി: ഇമാം ഷെഫീഖ് അല് ഖാസിമിയെ രക്ഷപ്പെടുത്താന് ശ്രമിച്ച മൂന്ന് സഹോദരങ്ങളുടെ അറസ്റ്റ് ഇന്ന് രേഖപ്പെടുത്തും. പ്രായപൂര്ത്തിയാകാത്ത സ്കൂള് വിദ്യാര്ത്ഥിയെ പീഡിപ്പിച്ച കേസിലെ പ്രതിയാണ് ഇമാം. ഇയാളെ ഒളിവില് കഴിയാന് സഹായിക്കുകയും സാമ്പത്തിക സഹായം എത്തിക്കുകയും ചെയ്ത രണ്ട് പേര്ക്കായി പോലീസ് അന്വേഷണം തുടങ്ങി. ഇതിനിടെ ഇയാള് സംസ്ഥാനം വിട്ടിട്ടില്ലെന്നു പോലീസിന് സൂചന ലഭിച്ചതായി റിപ്പോര്ട്ടുണ്ട്.
ഇമാമിനെ ഒളിവില് കഴിയാനും രക്ഷപ്പെടാനും സഹായിച്ച സഹോദരങ്ങളായ അല് അമീന്, അന്സാരി, ഷാജി എന്നിവരെ കൊച്ചിയില് നിന്ന് കസ്റ്റഡിയിലെടുത്ത പോലീസ് നെടുമങ്ങാട് എത്തിച്ച് ചോദ്യം ചെയ്യുകയാണ്. ഇവര് നല്കിയ സൂചന അനുസരിച്ച് പല സ്ഥലങ്ങളിലും പരിശോധന നടത്തിയെങ്കിലും ഇമാം ഷെഫീഖ് അല് ഖാസിമിയെ കണ്ടത്താന് പോലീസിന് കഴിഞ്ഞിട്ടില്ല. കസ്റ്റഡിയിലെടുത്തവരുടെ അറസ്റ്റ് ഇന്ന് രേഖപ്പെടുത്തുമെന്ന് നെടുമങ്ങാട് ഡിവൈഎസ്പി പി അശോകന് പറഞ്ഞു.
അതേസമയം കൊച്ചിയില് ഒളിവില് കഴിയുന്നതിനിടെ ഇമാമിന് തൊളിക്കോടുള്ള രണ്ട് എസ്ഡിപിഐ പ്രവര്ത്തകര് രണ്ട് ലക്ഷം രൂപ കൈമാറിയെന്ന വിവരം പോലീസിന് കിട്ടിയിരുന്നു.
എന്നാല് ഇമാം ബംഗ്ലൂരുവില് കടന്നിട്ടില്ലെന്നും എറണാകുളത്തോ കോട്ടയത്തോ മറ്റാരുടെയോ സംരക്ഷണയില് കഴിയുകയാണെന്നുമാണ് പോലീസിന്റെ നിഗമനം. ഇമാമിനെ സഹായിക്കുന്ന മറ്റൊരു സഹോദരന് നൗഷാദും ഒളിവിലാണ്.
Discussion about this post