കൊച്ചി: വരുന്ന ലോക്‌സഭാ തെരഞ്ഞെടുപ്പില്‍ സീറ്റ് തന്നാല്‍ നിരസിക്കില്ലെന്നു അന്തരിച്ച കോണ്‍ഗ്രസ് നേതാവ് എംഐ ഷാനവാസിന്റെ മകള്‍ അമീന ഷാനവാസ്. വയനാട് ലോക്‌സഭാ മണ്ഡലത്തില്‍ നിന്നാണ് എംഐ ഷാനവാസ് വിജയിച്ചത്.
ലോക്‌സഭാ തെരഞ്ഞെടുപ്പിന് മുന്നോടിയായി കേരളത്തിലെ കോണ്‍ഗ്രസ് പ്രവര്‍ത്തകരെ കാണാന്‍ കൊച്ചിയിലെത്തിയ രാഹുല്‍ ഗാന്ധി ആദ്യം പോയത് എംഐ ഷാനവാസിന്റെ വീട്ടിലേക്കായിരുന്നു.
വിമാനത്താവളത്തില്‍ നിന്ന് നേരെ നോര്‍ത്ത് റെയില്‍വെ സ്റ്റേഷന് സമീപത്തെ ഷാനവാസിന്റെ വീട്ടിലേക്കാണ് രാഹുല്‍ പോയത്.
കുടുംബാംഗങ്ങളുമായി 10 മിനിറ്റ് സ്‌നേഹം പങ്കിട്ടശേഷമാണ് രാഹുല്‍ഗാന്ധി മറൈന്‍ഡ്രൈവിലെ സമ്മേളന വേദിയിലേക്ക് തിരിച്ചത്. മരണാനന്തരം ഷാനവാസിന് ലഭിച്ച ഏറ്റവും വലിയ അംഗീകാരമാണ് രാഹുലിന്റെ സന്ദര്‍ശനമെന്ന് കുടുംബാംഗങ്ങള്‍ പ്രതികരിച്ചു.
എന്നാല്‍ രാഹുല്‍ ഗാന്ധിയുമായുള്ള സന്ദര്‍ശനത്തില്‍ രാഷ്ട്രീയം ചര്‍ച്ചയായില്ലെന്നും അമീന വ്യക്തമാക്കി.
Discussion about this post