തിരുവനന്തപുരം: രാഹുല് മാങ്കൂട്ടത്തില് ഇനിയെങ്കിലും എംഎല്എ സ്ഥാനം ഒഴിയണമെന്ന് മന്ത്രി വി ശിവന്കുട്ടി. മൂന്നാം ബലാത്സംഗ പരാതിയില് രാഹുൽ അറസ്റ്റിലായതിൻ്റെ പശ്ചാത്തലത്തില് ആണ് പ്രതികരണം.
രാഹുൽ സ്ഥാനം മറയാക്കി കേസുകളില് നിന്ന് സംരക്ഷണം നേടുന്നത് ഒഴിവാക്കാന് കോണ്ഗ്രസ് പാര്ട്ടി തന്നെ എംഎല്എ പദവി ഒഴിയാന് രാഹുല് മാങ്കൂട്ടത്തിലിനോട് ആവശ്യപ്പെടണമെന്നും വി ശിവന്കുട്ടി പറഞ്ഞു.
സര്ക്കാര് വിട്ടുവീഴ്ചയില്ലാത്ത നടപടിയാണ് സ്വീകരിച്ചത് എന്നും കേസുമായി ബന്ധപ്പെട്ട് രാഹുല് മാങ്കൂട്ടത്തിലിനെതിരെ നടപടി സ്വീകരിക്കുന്നതില് നിന്ന് കോണ്ഗ്രസ് പാര്ട്ടി തുടക്കത്തില് അറച്ചു നില്ക്കുകയായിരുന്നുവെന്നും ഇപ്പോഴും കോൺഗ്രസ് ക്യാമ്പുകളിൽ നിന്നും രാഹുലിന് പിന്തുണ ലഭിക്കുന്നുണ്ട് എന്നും മന്ത്രി പറഞ്ഞു.
കുറ്റകൃത്യം ചെയ്തിട്ടും എംഎല്എ സ്ഥാനം വഹിച്ച് കൊണ്ട് എംഎല്എ ഓഫീസിലും മറ്റു ആക്ടിവിറ്റികളിലും അദ്ദേഹം സജീവമായി ഇടപെടുന്നത് കോണ്ഗ്രസ് ക്യാമ്പുകളില് നിന്ന് അദ്ദേഹത്തിന് പിന്തുണ ലഭിക്കുന്നത് കൊണ്ടാണ് എന്നും മന്ത്രി കൂട്ടിച്ചേർത്തു.
Discussion about this post