തിരുവനന്തപുരം: ശബരിമല സ്വര്ണക്കൊള്ള കേസുമായി ബന്ധപ്പെട്ട് റിമാന്ഡിലുള്ള തന്ത്രി കണ്ഠരര് രാജീവരെ വിശദമായി ചോദ്യം ചെയ്യാന് ഉടന് കസ്റ്റഡിയില് വാങ്ങും.
തന്ത്രിയുടെ സാമ്പത്തിക ഇടപാടുകളില് എസ്ഐടി വിശദമായി അന്വേഷിക്കും. തന്ത്രിയുടെ വീട്ടിലും മറ്റിടങ്ങളിലും അന്വേഷണ സംഘം പരിശോധിക്കും. നേരത്തേ, കണ്ഠരര് രാജീവരര്ക്കെതിരെ റിമാന്ഡ് റിപ്പോര്ട്ടില് ഗുരുതര കുറ്റകൃത്യങ്ങള് എസ്ഐടി കണ്ടെത്തിയിരുന്നു.
ആചാരലംഘനം നടത്തി, തന്ത്രി ഗൂഢാലോചനയില് പങ്കാളിയായെന്നും എസ്ഐടി വ്യക്തമാക്കി
സ്വര്ണക്കൊള്ള കേസിലെ ഒന്നാം പ്രതിയായ ഉണ്ണികൃഷ്ണന് പോറ്റിയെ ശബരിമലയില് എത്തിച്ചതും സ്പോണ്സറാക്കി നിയമിക്കാന് എല്ലാ സഹായങ്ങളും ചെയ്ത് നല്കിയതും കണ്ഠരര് രാജീവരാണെന്ന് എസ്ഐടി കണ്ടെത്തി.
ദ്വാരപാലക ശില്പത്തിന്റെ പാളിയില് സ്വര്ണം പൂശാനുള്ള അനുമതി പോറ്റിക്ക് നല്കിയത് എല്ലാ കാര്യങ്ങളും തന്ത്രി അറിഞ്ഞുകൊണ്ടായിരുന്നുവെന്നും പോറ്റി നടത്തിയ ഇടപെടലുകള്ക്കെല്ലാം തന്ത്രി മൗനാനുവാദം നല്കിയിരുന്നുവെന്നും എസ്ഐടി കണ്ടെത്തിയിട്ടുണ്ട്.
സാമ്പത്തിക ലാഭത്തിന് വേണ്ടിയാണ് പാളികള് കൊണ്ടുപോയതെന്ന് നേരത്തെ തന്നെ കണ്ഠരര് രാജീവര് അറിഞ്ഞിരുന്നു. എന്നിട്ടും പാളികള് കൊണ്ടുപോകുന്നതിനെ എതിര്ക്കാന് തന്ത്രി ശ്രമിച്ചില്ലെന്നുമാണ് എസ്ഐടിയുടെ കണ്ടെത്തല്.
Discussion about this post