തിരുവനന്തപുരം: ലൈംഗികാതിക്രമക്കേസിൽ ചലച്ചിത്ര സംവിധായകന് പി ടി കുഞ്ഞുമുഹമ്മദിന് കര്ശന ഉപാധികളോടെ മുന്കൂര് ജാമ്യം. അന്വേഷണ ഉദ്യോഗസ്ഥന് മുന്നില് ഹാജരാകണം എന്നും കോടതി നിര്ദേശിച്ചു.
കേസില് അറസ്റ്റ് ചെയ്യേണ്ട നിലയുണ്ടായാല് ജാമ്യത്തില് വിട്ടയക്കണം എന്നും അഡീഷനല് സെഷന്സ് കോടതി അറിയിച്ചു.
അതേസമയം, കേസ് കെട്ടിച്ചമച്ചതാണെന്നും ഗൂഢാലോചനയുടെ ഭാഗമായാണു പരാതി നല്കിയതെന്നുമാണു പ്രതിഭാഗത്തിന്റെ വാദം. പരാതി നല്കിയതിലെ കാലതാമസവും ചോദ്യം ചെയ്തു.
സംഭവം നടന്ന് 21 ദിവസം കഴിഞ്ഞാണു പരാതി നല്കിയത്. വിദ്യാസമ്പന്നയായ വ്യക്തി ഇത്തരമൊരു ഗൗരവമേറിയ വിഷയം പൊലീസിനെ അറിയിക്കുന്നതിനു പകരം നേരിട്ടു മുഖ്യമന്ത്രിക്കു പരാതി നല്കിയതെന്നുമായിരുന്നു പ്രതിഭാഗത്തിന്റെ നിലപാട്.
Discussion about this post