പത്തനംതിട്ട: നടി ആക്രമിക്കപ്പെട്ട കേസില് കോടതി വെറുതെ വിട്ട നടന് ദിലീപിനെ പിന്തുണച്ച് യുഡിഎഫ് കണ്വീനര് അടൂര് പ്രകാശ്. കേസില് ദിലീപിന് നീതി കിട്ടിയെന്ന് അടൂര് പ്രകാശ് പറഞ്ഞു.
പത്തനംതിട്ടയില് വോട്ട് രേഖപ്പെടുത്താന് എത്തിയപ്പോഴാണ് അടൂര് പ്രകാശിന്റെ പ്രതികരണം ഉണ്ടായത്. കലാകാരന് എന്ന നിലയില് മാത്രമല്ല, വ്യക്തിയെന്ന നിലയിലും ദിലീപിനെ സംബന്ധിച്ചിടത്തോളം നീതി ലഭ്യമായി എന്നും ദിലീപുമായി തനിക്ക് അടുത്ത ബന്ധമുണ്ട് എന്നും വ്യക്തിപരമായി സന്തോഷമുണ്ടെന്നും അടൂര് പ്രകാശ് പറഞ്ഞു.
ഉന്നത പൊലീസ് നേതൃത്വത്തില് ഉണ്ടാക്കിയെടുത്ത ഗൂഢാലോചനയാണ് കേസുമായി ബന്ധപ്പെട്ട് നടന്നതെന്ന് ദിലീപ് പറഞ്ഞിട്ടുണ്ട്. അത്തരം കാര്യങ്ങളില് താനല്ല അഭിപ്രായം പറയേണ്ടതെന്നും സര്ക്കാര് അറസ്റ്റ് രാഷ്ട്രീയനേട്ടത്തിന് ഉപയോഗിച്ചു എന്നാണ് വിധി വന്നപ്പോള് ഉണ്ടായ ചില പ്രതികരണങ്ങളില് നിന്ന് മനസിലാക്കുന്നതെന്നും അടൂര് പ്രകാശ് കൂട്ടിച്ചേര്ത്തു.
അപ്പീല് പോകുമല്ലോ. സര്ക്കാരിന് മറ്റു പണിയൊന്നുമില്ലല്ലോ. ആരെ ദ്രോഹിക്കാനുണ്ട് എന്നുള്ളതാണ് സര്ക്കാര് നോക്കുന്നത്. സര്ക്കാരിനെ സംബന്ധിച്ചിടത്തോളം എന്ത് വേണമെങ്കിലും കെട്ടിച്ചമച്ചുണ്ടാക്കാന് പറ്റുന്നതാണെന്നും അടൂര് പ്രകാശ് പറഞ്ഞു.
Discussion about this post