കൊച്ചി: മഹിളാ കോൺഗ്രസിലെ അമ്മയുടെ പ്രായം ഉള്ള ആളുകള്ക്ക് വരെ രാഹുല് മാങ്കൂട്ടത്തിലില് നിന്നും മോശം അനുഭവം ഉണ്ടായിട്ടുണ്ടെന്ന് കെപിസിസി സംസ്കാര സാഹിതി ജനറല് സെക്രട്ടറി എംഎ ഷഹനാസ്.
താൻ ഇക്കാര്യം ഷാഫി പറമ്പിലിനെ അറിയിച്ചപ്പോഴുള്ള അദ്ദേഹത്തിന്റെ മൗനം പരിഹാസമായി തോന്നി, താന് പറഞ്ഞത് പച്ചക്കള്ളമാണെന്ന് പറഞ്ഞാല് അതിന്റെ തെളിവ് പുറത്തുവിടുമെന്നും ഷഹനാസ് പറഞ്ഞു.
സൈബര് ആക്രമണങ്ങളെയും പാര്ട്ടി നടപടിയേയും താന് ഭയപ്പെടുന്നില്ലെന്നും രാഹുലിനെതിരെ ഞാന് പരാതി നല്കിയിട്ടില്ലെന്നും രാഹുലിനെ പ്രതിരോധിക്കാന് തനിക്ക് അന്നേ കഴിഞ്ഞിട്ടുണ്ട് എന്നും ഷഹനാസ് കൂട്ടിച്ചേർത്തു.
എന്ത് പരാതി കൊടുത്താലും യൂത്ത് കോണ്ഗ്രസില് നിന്നും നീതി ലഭിക്കാറില്ല എന്നും രാഹുലിനെപ്പറ്റി ഷാഫിയോട് പരാതിയല്ല പറഞ്ഞത്, അഭിപ്രായമാണ് പറഞ്ഞത് എന്നും അത് വകവച്ചില്ല എന്നും ഷഹനാസ് പറഞ്ഞു.
രാഹുല് വലിയൊരു ക്രിമിനലാണ്. പല സ്ത്രീകള്ക്കും അശ്ലീല സന്ദേശം അയച്ചിട്ടുണ്ട്. കോണ്ഗ്രസിന്റെ ഭാഗമായതിനാലാണ് മിണ്ടാതിരുന്നത്. പരാതിയുമായി ഒരു സ്ത്രീ എങ്കിലും മുന്നോട്ടു വരണമെന്ന് ആഗ്രഹമായിരുന്നുവെന്നും ഷഹനാസ് പറഞ്ഞു.
Discussion about this post