കോഴിക്കോട്: കസ്റ്റഡിയിലെടുത്ത യുവതിയെ ലൈംഗികമായി പീഡിപ്പിച്ചെന്ന ആരോപണത്തില് വടകര ഡിവൈഎസ്പി ഉമേഷിന് സസ്പെന്ഷന്.
കഴിഞ്ഞദിവസം ഉമേഷ് അവധിയില് പ്രവേശിച്ചിരുന്നു.
നാദാപുരം കണ്ട്രോള് ഡിവൈഎസ്പിക്ക് ആണ് പകരം ചുമതല. ഡിവൈഎസ്പി ഉമേഷിനെതിരെ എസ്പിയുടെ റിപ്പോര്ട്ടിന്റെ അടിസ്ഥാനത്തിലാണ് നടപടി. സിഐയുടെ ആത്മഹത്യാ കുറിപ്പില് പറയുന്ന കാര്യങ്ങള് പ്രാഥമിക അന്വേഷണത്തില് ബോധ്യപ്പെട്ടതിന്റെ അടിസ്ഥാനത്തിലാണ് നടപടി സ്വീകരിച്ചത്.
ആത്മഹത്യാ കുറിപ്പില് പരാമര്ശിക്കുന്ന യുവതി നല്കിയ മൊഴിയും നടപടിക്ക് കാരണമായി.
വടക്കഞ്ചേരി സിഐയായിരുന്നപ്പോള് അനാശാസ്യ കേസില് കസ്റ്റഡിയിലെടുത്ത സ്ത്രീയെ പീഡിപ്പിച്ച്, കേസെടുക്കാതെ വിട്ടയച്ചുവെന്നാണ് ഉമേഷിന് എതിരായ അന്വേഷണ റിപ്പോര്ട്ടിലെ കണ്ടെത്തല്.
Discussion about this post