തിരുവനന്തപുരം: എറണാകുളം – ബംഗളൂരു വന്ദേ ഭാരത് സര്വീസ് ഉദ്ഘാടനത്തിനിടെ വിദ്യാര്ത്ഥികളെക്കൊണ്ട് ആര്എസ്എസ് ഗണഗീതം പാടിപ്പിച്ചതിൽ മുഖ്യമന്ത്രി പിണറായി വിജയന്. ആ നടപടി പ്രതിഷേധാര്ഹമെന്ന് മുഖ്യമന്ത്രി പറഞ്ഞു.
അപരമത വിദ്വേഷവും വര്ഗ്ഗീയ വിഭജന രാഷ്ട്രീയവും നിരന്തരം പ്രസരിപ്പിക്കുന്ന ആര്എസ്എസിന്റെ ഗാനം സര്ക്കാരിന്റെ ഔദ്യോഗിക പരിപാടിയില് ഉള്പ്പെടുത്തിയത് ഭരണഘടനാതത്വങ്ങളുടെ ലംഘനമാണ് എന്ന് മുഖ്യമന്ത്രി പറഞ്ഞു.
രാജ്യത്തെ ഏറ്റവും വലിയ പൊതുമേഖലാ സ്ഥാപനമായ റെയില്വേയെ പോലും തങ്ങളുടെ വര്ഗ്ഗീയ രാഷ്ട്രീയ പ്രചാരണത്തിനായി സംഘപരിവാര് ഉപയോഗിക്കുകയാണ് എന്നും ഇത്തരം നടപടികൾ അംഗീകരിക്കാന് കഴിയില്ലെന്നും മുഖ്യമന്ത്രി പ്രസ്താവനയില് അറിയിച്ചു.