തിരുവനന്തപുരം: ശബരിമല സ്വര്ണക്കൊള്ളയുമായി ബന്ധപ്പെട്ട കേസിൽ മുന് തിരുവാഭരണം കമ്മീഷണര് കെ എസ് ബൈജു അറസ്റ്റിൽ. പ്രത്യേക അന്വേഷണ സംഘമാണ് അറസ്റ്റ് രേഖപ്പെടുത്തിയത്.
ദ്വാരപാലക പാളികള് കടത്തിയ കേസില് ഏഴാം പ്രതിയാണ് ബൈജു. 2019 ജൂലൈ 19ന് പാളികള് അഴിച്ചപ്പോള് ബൈജു ഹാജരായിരുന്നില്ല. ദേവസ്വം ബോര്ഡില് സ്വര്ണ്ണം ഉള്പ്പടെ അമൂല്യ വസ്തുക്കളുടെ പൂര്ണ ചുമതല തിരുവാഭരണം കമ്മീഷണര്ക്കാണ്.
ബൈജു മുഖ്യപ്രതികളുടെ ആസൂത്രണം കാരണം മനഃപൂര്വം വിട്ടു നിന്നെന്നാണ് വിവരം. ദ്വാരപാലക കേസില് മാത്രമല്ല കട്ടിളപാളി കേസിലെ ദുരൂഹ ഇടപെടല് സംബന്ധിച്ച വിവരവും ബൈജുവിന് അറിയാം എന്നാണ് എസ്ഐടി നിഗമനം.